Како правилно да ги складирате сирењето и кашкавалот за да траат подолго и да не им се промени вкусот?

Ни сирењето ни кашкавалот не треба да ги чувате во пластична фолија и не е препорачливо да ги замрзнувате бидејќи ќе настане промена не само во вкусот, туку и во нивната текстура.

Кашкавалот и сирењето се едни од најчесто консумираните продукти.

Но и покрај нивната популарност, сите правиме по некоја грешка кога ги складираме.

Со овие грешки се намалува рокот на траење на овие продукти, а им се менува и вкусот.

За Insider, неколку експерти откриваат како да ги чувате кашкавалот и сирењето за да ви траат подолго и да го задржат добриот вкус:

Немојте да ги чувате во пластична фолија

Иако пластичната фолија изгледа како одличен начин да ги заштитите овие продукти, со овој начин на складирање можете само да им го уништите вкусот.

Пластичната фолија ги „задушува“ кашкавалот и сирењето и ја задржува влагата, а сето ова има влијание врз нивниот вкус.

Немојте да ги чувате во алуминиумска фолија

Некои видови кашкавал и сирење имаат поголемо количество сол и киселини кои можат да создадат реакција со алуминиумската фолија, поради што настанува промена во вкусот.

Покрај тоа, со овој начин на складирање тие можат да се исушат многу брзо.

Тврдите кашкавали не треба да се чуваат во затворени садови за храна

Садовите за храна со капак можат да бидат добри за складирање кашкавал, но не за тврди видови, како пармезан.

Но сепак, доколку немате друга опција, немојте добро да го затворате капакот за кашкавалот да може „да дише“.

Идеално е да го чувате кашкавалот во хартија за таа намена

Идеално да го чувате кашкавалот во хартија за таа намена, односно хартијата којашто ја даваат и во продавница.

Оваа хартија му дозволува на кашкавалот „да дише“, а притоа не пропушта многу воздух кој може да го промени вкусот или да го исуши.

Доколку немате таква хартија, слободно можете да искористите хартија за печење.

Не треба да ги оставате на собна температура

Потврдите кашкавали и сирења нема да се расипат ако постојат неколку часа на собна температура, но сигурно ќе почувствувате промена во вкусот.

Помеките кашкавали и сирења не треба да ги оставате на собна температура повеќе од два часа бидејќи можат и да се расипат.

Продолжува на следната страница...