11 кулинарски трикови што можеме да ги научиме од Италијанците

Одбирајте го видот тестенини според сосот

Разните видови тестенини одговараат со различни сосови.

На пример, шпагетите одат најдобро со поретки сосови, како доматен сос, додека тестенините како фетучини треба да се комбинираат со погусти сосови.

Тестенините како ригатони се исто така добри за погусти сосови поради нивната форма – дупката во средината може да „зароби“ голем дел од сосот.

Тестенините како фусили и машнички се одлични како додаток во салати или со сосови со повеќе зеленчук и месо.

Немојте да ги кршите шпагетите

Голема е веројатноста да имате баба која има навивка да ги крши шпагетите за да ги собере во тенџерето.

Ова е погрешно бидејќи многу е потешко да ги „уловите“ кратките шпагети од чинијата.

Доволно е да ги ставете шпагетите во тенџерето, а кога ќе омекне потопениот дел, нежно поттурнете го и останатиот дел во водата.

Секако, не заборавајте да ги промешувате додека се варат.

Користете моцарела за пица

Моцарелата е богата со масти, се топи лесно и има мека текстура. Поради ова, таа е најдобриот избор за пица.

Можете да ставате и другите видови кашкавал, но избегнувајте ги многу тврдите бидејќи можат да го уништат вкусот на пицата.

Правете ги сосовите со толчник

Ако правите сос како песто, секогаш е подобро да употребите толчник наместо блендер.

Можеби ова ќе ви одземе повеќе време, но со толчникот ќе ослободите многу повеќе вкусови од состојките.

Не ги подгревајте вчерашните тестенини

Ако ви останале тестенини, немојте да ги подгревате во микробранова или што било бидејќи само ќе се исушат.

Наместо тоа, направете нов сос, па само измешајте ги тестенините со него.

Можете и да ги измешате со состојки како моцарела и доматен сос, и да ги запечете во рерна.

Ставајте мало количество тестенини

Ако сте како повеќето, веројатно ги мерите тестенините „од око“.

Тестенините сепак се храна која дебелее ако претераме со неа, а Италијанците многу добро го знаат ова.

Според нив, идеално е да ставате околу 70-80 грама тестенини за една порција. Со варењето, тие ќе впијат вода и нивната грамажа ќе се зголеми, па во комбинација со сос, ќе бидат сосема доволно за еден оброк.

Спирова С. | Црнобело