Загорка и Мартин - семејство од Скопје кое секоја година со децата кампува во Грција: „Камперскиот живот е рај за нас“

Покрај капењето и играњето со песок, децата овде ја имаат можноста да се дружат со своите врсници во текот на целиот ден, да истражуваат, да возат велосипеди, тротинети, да играат разни игри со топка, криенка и многу други. Во текот на целиот ден тие постојано се активни, па навечер заспиваат брзо и лесно.

Камповите се познати по тоа дека за ручек често се приготвува риба или месо на скара, морски плодови, а за наша среќа имаме пријатели со одлични кулинарски вештини, со кои заедно подготвуваме храна и ручаме.

Мојот сопруг обожава да приготвува риба на скара која ни е омилена, а честопати знаеме да седнеме во околните таверни кои нудат одлични грчки специјалитети.

Навечер се подготвуваат палачинки и разни слатки за децата и се споделуваат помеѓу соседите, па забавата и радоста за нив е непроценлива

Во овој дел од соседна Грција престојуваат голем број Македонци, така што среќни сме што овде кампуваат и многу наши пријатели со кои секојдневно се дружиме, но постојано стекнуваме и нови.

Исто така, сакам да нагласам дека тука Македонците и Грците отсекогаш негувале одлични меѓусебни односи и функционираат како едно големо семејство.

Навечер знаеме да прошетаме на шеталиштето покрај камповите, како и околните гратчиња Платамона и Лептокарија, каде има многубројни локали кои нудат забава за целото семејство.

Како поддржувачи на здравиот и активен начин на живот, овде се разбира практикуваме и многубројни физички активности, вежбаме, трчаме, возиме СУП даски, а во непосредна близина се наоѓа и планината Олимп, која претставува предизвик за сите вљубеници во планинарењето.

Продолжува на следната страница...