Загорка и Мартин - семејство од Скопје кое секоја година со децата кампува во Грција: „Камперскиот живот е рај за нас“

Детали

вторник, 18 јули 2023

„Се вљубив во камперскиот живот благодарение на мојот сопруг Мартин кога првпат дојдовме во кампот Есперидес во соседна Грција, каде тој и неговото семејство кампуваат повеќе од 30 години. Точно е дека кампувањето бара подобра организација од класично сместување, но благодатите кои ги нуди, особено за децата, се неспоредливи“, вели Загорка Видоевска (38) од Скопје за CRNOBELO.com.

Загорка Видоевска (38) од Скопје, м-р по менаџирање на стратегиски комуникации е во брак е со Мартин Видоевски од Скопје (37), м-р по човечки ресурси, кој работи како фитнес тренер повеќе од една деценија. И двајцата се вљубеници во камперскиот живот.

Парот има две деца и велат дека сите едвај чекаат лето за да заминат во Грција, на местото каде кампуваат со години.

Загорка за CRNOBELO.com споделува детали за камперскиот начин на живот:

„Се вљубив во камперскиот живот благодарение на мојот сопруг Мартин кога првпат дојдовме во кампот Есперидес во соседна Грција, каде тој и неговото семејство кампуваат повеќе од 30 години. 

Кампувањето е вистинскиот избор за сите оние кои негуваат авантуристички дух, се дружељубиви и сакаат да бидат на плажа 24/7.

Точно е дека кампувањето бара подобра организација од класично сместување, но благодатите кои ги нуди, особено за децата, се неспоредливи.

View this post on Instagram

A post shared by ᴢᴀɢᴏʀᴋᴀ ᴠɪᴅᴏᴇᴠsᴋᴀ (@miss__zaza)

Конкретно за овој камп можам да кажам дека условите се извонредни, од аспект на хигиена, клима, местоположба и плажа. Истиот целосно е урбанизиран, а во близина имате сè што ви е потребно за да уживате во безбеден и безгрижен одмор, дури и кога сте со мали деца и новороденчиња.

Од Скопје се патува околу 3 часа, патот е и повеќе од одличен и ретко наидуваме на сообраќаен застој, не сметајќи ги границите.

Камперските денови ни започнуваат со кафе и појадок за нас и децата, кој го подготвуваме во нашата мини кујна во камп приколката и морам да нагласам дека сме супер организирани со сопругот за да ги завршиме сите обврски со брзина на светлината, бидејќи секако Кира и Јаков со нетрпение очекуваат да одат на плажа.

Предноста кога престојувате во овој камп е дека веќе сте на самиот брег, па децата, како и возрасните, тука цел ден го поминуваат само во костим за капење.

Продолжува на следната страница...