Бојан од Скопје живее на Канарски Острови: „Локалците се дружељубиви, но ненајавен не можеш да отидеш ни кај семејството“

Каква е локалната храна? Дали ти е по вкус или не ja јадеш?

На почетокот не ми се допаѓаше многу нивната храна, но и јас во тоа време бев премногу пребирлив и не јадев многу работи. Сега уживам во нивната храна.

Тука највеќе се јаде морска храна, но трпезите изобилуваат и со секакви видови месо на скара.

Кога ќе ти дојдат гости од Македонија, каде ги шеташ?

Постојат неколку места на кои сакам да ги носам гостите, а тоа се Roque Nublo, плажата Анфи, Mogan, Музејот на Кристофер Колумбо, но и многуте плажи и преубави мали селца што ги има на островот.

Твојата сопруга е од Гранд Канарија. Дали веќе била кај нас и што ѝ се допаѓа најмногу кај нас?

Секогаш кога доаѓам во Македонија, таа ме придружува.

Анабел не сака да пропушти да ја посети Македонија никогаш.

Ѝ се допаѓа многу самата земја, но и македонската храна и гостопримливоста.

Ти недостига ли Македонија? Колку често се враќаш дома?

Доаѓам обично еднаш до двапати годишно.

Да, ми недостига кога не сум таму, но секогаш кога ќе дојдам и треба да извадам некој документ или да завршам некоја административна работа, се потсетувам зошто си отидов.

Што македонско најмногу ти недостига кога не си тука?

Најмногу ми недостига мојот внук и остатокот од мојата фамилија, моите другари и македонската традиционална храна.

Повеќе фотографии од Бојан на Канарски Острови:

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело