Виолета од Скопје живее во Флорида: „Бев готвач, па си отворив фирма за организација на домови и канцеларии - Мајами е рај за живот“

Детали

понеделник, 02 јуни 2025

„Син ми живееше долго време во Мајами. Потоа, целото семејство добивме иселеничка виза и се преселивме пред точно 7 години. Има многу можности за работа... Јас по професија сум готвач и работев во еден ексклузивен ресторан, но сега си отворив фирма“, ја започнува својата приказна Виолета Китанова од Скопје за CRNOBELO.com.

Виолета Китанова од Скопје веќе 7 години живее во Мајами, Флорида.

Таа е сопственик на фирма за организација на домови и канцеларии и вели дека ужива во животот таму.

Омилени работи ѝ се одењето на плажа и пријатната клима, а и се допаѓа што навистина има можности за работа.

За CRNOBELO.com споделува како оваа земја и станала дом и каков е животот таму:

„Син ми живееше долго време во Флорида, поточно во Мајами, но потоа целото семејство добивме иселеничка виза и се преселивме пред точно 7 години.

Во САД има многу можности за работа.

Јас по професија сум готвач и работев во еден прилично ексклузивен ресторан кога дојдов, па потоа работев со продажба на накит и фотографија.

Пред една година отворив фирма за одржување и организација на станови, канцеларии и куќи.

Живеам во центарот на градот, па има доста работа и имаме многу клиенти.

Во Мајами живеат доста Македонци, но повеќе има Срби.

Климата е одлична преку целата година, освен за време на сезоната на урагани – јуни, јули, август и септември.

Во тој период воздухот е влажен, има врнежи, иако досега не се случило да има ураган, но никогаш не се знае.

Што се однесува до другите месеци - цела година е сезона, топло е и има многу туристи од целиот свет.

Значи, на плажа може да се оди практично цела година.

Понекогаш температурата паѓа во јануари и февруари, но најмногу до 15°C и тоа трае една до две седмици.

Продолжува на следната страница...