Ниургујана, потекнува од најстуденото место на светот, а сега е во Македонија: „Температурата во декември е -50°C, пиеме вода од мразот“
Во најстудените месеци од зимата, наутро ја проверуваме температурата и ако е под -52°C не одиме на училиште.
Внукот на Ниургујана
По средното училиште се преселив во главниот град Јакутск за да студирам, а таму животот е попријатен.
Ќе ви биде интересно да чуете дека како деца јадевме сладоледи кога одевме или се враќавме на училиште на температура од -30°C или -40°C.
Нашето лето трае само 2 месеци, а температурите може да се искачат и до +35°C, и тоа само околу една седмица. Во текот на летото просечната температура е +25°C.
Дефинитивно уживаме во нашите кратки лета, а понекогаш дури и не спиеме многу затоа што во текот на тие два месеци има бели ноќи, кога сонцето зајдува зад хоризонтот, но без комплетна темнина.
Оваа фотографија е направена во 1 часот по полноќ:
Ние ја славиме нашата Нова година (Ysyakh) на 21-ви јуни, како најдолг ден. Се слави низ цела Јакутиа во чест на боговите и раѓањето на природата по долгата зима. Сите носиме национални костими, готвиме национални специјалитети, го правиме националниот пијалак Kymys од коњско млеко, играме традиционални спортови, го играме танцот ohuokhai, се молиме и го чекаме изгрејсонцето.
Најголемиот организиран танц Ohoukhai кој влезе во Гинисовата книга на рекорди беше во јуни 2012 година кога танцуваа 15.293 луѓе.
Продолжува на следната страна...
Би можело да ве интересира:
Препорачуваме
Најчитани неделава
