Христијан Ѓоргиевски живее во Калифорнија: „Ја сретнав Анџелина Џоли во близина на мојот дом, богатите прават забави како од филмовите“


Христијан Ѓоргиевски живее во Калифорнија: „Ја сретнав Анџелина Џоли во близина на мојот дом, богатите прават забави како од филмовите“

Дали се високи цените? Какви се платите?

Лос Анџелес се вбројува во листата на 10 најскапи градови за живот во Америка заедно со Сан Франциско, Њујорк, Вашингтон, итн.

Во однос на станбеното прашање, киријата за обична мала куќа се движи од 2.500 до 4.500 долари, а додека за полуксузните, поголеми куќи од 5.000 до 7.000 долари, но од друга страна иако минималната плата е висока, односно од час изнесува 15 долари, сепак ретко кој работи само за минимална плата.

Што се однесува за цените, тие се различни и Лос Анџелес нуди многу добри ресторани и руфтоп барови каде што пивото е од 20 долари нагоре, а коктелите од 50 долари нагоре, меѓутоа има и места каде што може да се напиете пиво за 4 долари или кафе за 2 долари што за овој стандард е прилично евтино.

hristijan-gjorgievski-zhivee-vo-kalifornija-ja-sretnav-andjelina-djoli-vo-blizina-na-mojot-dom-bogatite-pravat-zabavi-kako-od-filmovite-04.jpg

Најдобрата работа на живеењето во Калифорнија е...

Најдобрата работа во Калифорнија е разновидноста што ја нуди. На два часа од Лос Анџелес може да одиш на планина каде има снег и да скијаш, а од таму по два часа може да одиш на плажа на океан каде времето е убаво и да се капeш.

Друга најдобра работа е тоа што Калифорнија е економски најразвиената држава во Америка каде што преку ноќ може лесно да се збогатите т.е кој и да било бизнис тука може лесно да биде успешен. Секако и не ги исклучувам разните култури и народи коишто може да се сретнат.

hristijan-gjorgievski-zhivee-vo-kalifornija-ja-sretnav-andjelina-djoli-vo-blizina-na-mojot-dom-bogatite-pravat-zabavi-kako-od-filmovite-06.jpg

Најлошата работа на живеењето во Калифорнија е...

Една од најлошите работи, конкретно во Лос Анџелес е гужвата во сообраќајот, особено во летниот период кога има и голем број на туристи, па кога треба да одите некаде макар и за 5 километри ви требаат повеќе од 20 минути.

Исто така има и голем број на луѓе (ако може да се наречат бездомници) коишто од цела Америка доаѓаат во Лос Анџелес и одлучиле да живеат независно од системот, па и на некој начин даваат лоша слика за Лос Анџелес.

hristijan-gjorgievski-zhivee-vo-kalifornija-ja-sretnav-andjelina-djoli-vo-blizina-na-mojot-dom-bogatite-pravat-zabavi-kako-od-filmovite-10.jpg

Каков е ноќниот живот?

Ноќниот живот во Лос Анџелес е нешто што треба секој млад да го доживее. Има светски барови и ноќни клубови од европски, азиски, јужноамерички стил, па секој викенд може да искусите нешто ново.

Самото тоа што кажува дека е на високо ниво е и тоа што постојат и клубови каде што ви се потребни и до 1.000 долари само за влез, но ги има и тие каде што влезот е бесплатен. Ќе ги спомнам и домашните забави кои знаат да бидат егзотични, а ги организираат богатите во нивните огромни куќи и може да се каже дека се како на филмовите.

Јас имав прилика да присуствувам на таква забава во Beverly Hills и атмосферата е нешто што не се опишува.

hristijan-gjorgievski-zhivee-vo-kalifornija-ja-sretnav-andjelina-djoli-vo-blizina-na-mojot-dom-bogatite-pravat-zabavi-kako-od-filmovite-14.jpg

Какви се локалците во поглед на врските и бракот?

Лос Анџелес е град со најголема стапка на разводи, па тоа би го навел и како негативно. Кога дојдов да живеам тука, лично мене на почетокот ми беше чудно тоа што и како пример ќе ги земам Латиноамериканците коишто ги има во голем број, ретко кои од нив се официјално во брак, а имаат по 2-3 деца. Едноставно функционираат во заедница. Но секако за нив е тоа сосем нормално.

За жал, бракот тука нема голема вредност.

hristijan-gjorgievski-zhivee-vo-kalifornija-ja-sretnav-andjelina-djoli-vo-blizina-na-mojot-dom-bogatite-pravat-zabavi-kako-od-filmovite-07.jpg

Какви се на поле кариера? Колку трае работниот ден?

Сепак станува збор за индивидуален избор. Ги има и тие кои што се насочени кон кариера и има можности да успеат во тоа, а ги има и тие кои што се насочени кон други работи во животот.

Во секој случај едукацијата, можностите и големиот избор на работни места се тука и овозможуваат напредок. За тоа колку трае работниот ден е исто така различно - за некого трае 5 часа, за некого 8. Конкретно мојот работен ден изнесува 8 часа.

hristijan-gjorgievski-zhivee-vo-kalifornija-ja-sretnav-andjelina-djoli-vo-blizina-na-mojot-dom-bogatite-pravat-zabavi-kako-od-filmovite-09.JPG

Продолжува на следната страна...


Би можело да ве интересира:

Патувањето на Around Gaia продолжува: „Комбето е сега наш дом и ќе посетиме што е можно повеќе места... Да се патува четири години со мотор, да се живее од ден за ден, да се посетат 70...
Кико Митев: „Бев меѓу последните туристи на Мачу Пикчу пред да го затворат поради короната“ Постојат луѓе кои не се плашат да експериментираат со животот, да менуваат среди...
„Животот е авантура!“ - Мила, нашата стјуардеса која го живее својот сон! Таа е Мила, прекрасно македонско девојче кое го живее својот сон. Работи како ст...

Најчитани неделава

sonovnik-sidebar.jpg