Сања Коцева: „На Бали нема јавен превоз, а и 20 дена се малку за сѐ да се види – островот е рај“

Велат дека кога се оди на Бали најчесто се капеш во базени? Дали е навистина така и зошто?

Тоа е навистина така. Бидејќи Бали е остров кои излегува на Индискиот океан не е многу безбедно за капење поради опасниот морски свет и доста големите бранови.

Најчесто имаше сурфери и поретко некои храбри туристи во океанот. На самите плажи има многу ресорти со таканаречени бесконечни базени (infinity pool) кои одаваат впечаток дека се едно со океанот кога се капете во нив.

Дали Бали навистина е дестинација за совршен одмор?

Дефинитивно. Природните убавини, љубезните жители, вкусната храна, бањање во када со цветови, појадок на вода (floating breakfast), зајдисонцата на плажата покрај океанот, се само мал дел од работите поради кои Бали е совршена дестинација.

Најдобрата страна на Бали е…

Природните убавини и прекрасната, скромна балинејска насмевка. Се разбира, и неверојатните пејзажи.

Најлошата страна на Бали е…

Се сомневам дека воопшто постои такво нешто.

Има ли нечистотија и сиромаштија во одредени квартови?

Настрана од луксузните хотели, на улиците на Бали може одблиску да се доживее духот на островот. Мали и стари куќички, улични тезги на кои доста често работеа цели семејства, чија облека не симболизираше богат живот.

Островската вода не е хигиенска, и за која било друга употреба освен санитарна препорачливо е да се користи флаширана вода.

Како се движеше таму, кои места ги посети?

Пред да тргеме на патувањето, доста време истражував што сѐ треба да посетиме. Во Бали нема јавен превоз, па цело време користевме такси, но најголем дел од туристите користат и скутери.

Ги посетивме традиционалните оризови полиња, старата кралска палата Tirta Gangga, островот Nusa Penida кој се наоѓа блиску до Бали, рајските порти на Lempuyang.

Продолжува на следната страна...