Сања Коцева: „На Бали нема јавен превоз, а и 20 дена се малку за сѐ да се види – островот е рај“


Сања Коцева: „На Бали нема јавен превоз, а и 20 дена се малку за сѐ да се види – островот е рај“

„Бањање во када со цветови, оризови полиња, луѓе со топли срца – Бали е остров што не се опишува... Првите километри поминати во таксито од аеродромот кон хотелот ми оставија впечаток дека се наоѓам во еден нов свет. Храмови на секој чекор, статуи од богови, дарови од овошје за боговите поставени насекаде по улиците беа знак дека нè чека интересна авантура“, раскажува 28-годишната Сања Коцева од Штип.

sanja-koceva-na-bali-nema-javen-prevoz-a-i-20-dena-se-malku-za-s-da-se-vidi-ostrovot-e-raj-01.jpg

Сања Коцева (28) од Штип, докторка по професија, е вистинска вљубеничка во патувањата.

Досега ги има посетено: Норвешка, Шпанија, Малта, Холандија, Германија, Чешка, Турција, Италија, Унгарија, Романија, но најголем впечаток од сите патувања досега ѝ има оставено одморот на Бали.

За CRNOBELO.com таа ги пренесува своите впечатоци оттаму:

Зошто токму Бали како дестинација за одмор?

Тропските дестинации отсекогаш ми го привлекувале вниманието. Се одлучив за Бали бидејќи за разлика од другите места кои нудат само убави бесконечни плажи и вода, Бали изобилува со многу природни убавини и традиција.

sanja-koceva-na-bali-nema-javen-prevoz-a-i-20-dena-se-malku-za-s-da-se-vidi-ostrovot-e-raj-05.jpg

Во кој период од годината беше таму и кој период мислиш дека е најдобро да се посети Бали?

Климата во Бали преку целата година е благопријатна, но поделена е на сезона на дождови и сува сезона. Сезоната на дождови е од октомври до април и најчесто туристите ги избегнуваат овие месеци.

Ние го посетивме Бали во август. Тогаш е туристичка сезона и времето е доста топло. Добри месеци за посета се исто така и мај, јуни и септември.

sanja-koceva-na-bali-nema-javen-prevoz-a-i-20-dena-se-malku-za-s-da-se-vidi-ostrovot-e-raj-08.jpg

Колку чини патот дотаму?

Трошоците за пат секако многу зависат од тоа со која авиокомпанија летате, во кој период од годината патувате, колку навреме го резервирате летот.

sanja-koceva-na-bali-nema-javen-prevoz-a-i-20-dena-se-malku-za-s-da-se-vidi-ostrovot-e-raj-17.jpg

Ние летавме со Qatar Airways на релакција Скопје-Доха-Бали. Летот го резервиравме неколку месеци пред патувањето и патувавме во период кога е висока туристичка сезона.

Картите чинеа 1.200 евра од лице, секако со 25 килограми чекиран багаж.

sanja-koceva-na-bali-nema-javen-prevoz-a-i-20-dena-se-malku-za-s-da-se-vidi-ostrovot-e-raj-23.jpg

Првиот впечаток по пристигнувањето …

Во првите неколку минути од моето пристигнување веднаш сфатив зошто Бали го нарекуваат „островот на боговите“.

Првите километри поминати во таксито од аеродромот кон хотелот ми оставија впечаток дека се наоѓам во еден нов свет. Храмови на секој чекор, статуи од богови, дарови од овошје за боговите поставени насекаде по улиците беа знак дека нè чека интересна авантура.

sanja-koceva-na-bali-nema-javen-prevoz-a-i-20-dena-se-malku-za-s-da-se-vidi-ostrovot-e-raj-07.jpg

Како би ги опишала локалците?

Жителите на Бали се една од причините поради која повторно би се вратила таму. Топли, пријатни, секогаш насмеани, благодарни, културни, се само мал дел од карактеристиките со кои се одликуваат овие луѓе.

По религија се Хиндуисти (90% од населението), многу се побожни и веруваат во добри и лоши богови. Воопшто не ги интересираат матeријалните работи, сите се слично или исто облечени во традиционални облеки. Градење кариера, скапи телефони, скапи автомобили не се дел од нивниот живот. Живеат едноставно и среќно.

sanja-koceva-na-bali-nema-javen-prevoz-a-i-20-dena-se-malku-za-s-da-se-vidi-ostrovot-e-raj-10.jpg

Какви се цените? Цена на коктел на плажа на пример? Дали се плаќа лежалка?

Плажите на океанот се слободни и на нив нема лежалки, додека ресортите нудат дневни влезници (50-100 евра) во која е вклучено лежалка, пиење и храна.

sanja-koceva-na-bali-nema-javen-prevoz-a-i-20-dena-se-malku-za-s-da-se-vidi-ostrovot-e-raj-14.jpg

Цената на коктелите се движи околу 10 евра, кафето 2 евра, додека целосен оброк во ресторан за двајца чини околу 25 евра.

sanja-koceva-na-bali-nema-javen-prevoz-a-i-20-dena-se-malku-za-s-da-se-vidi-ostrovot-e-raj-11.jpg

Продолжува на следната страна...



Би можело да ве интересира:

Даниела Станковска за Дубаи: „Од Бурџ Халифа го видов најубавото зајдисонце, измрзнав среде пустина ... „Јас бев воодушевена од првиот момент кога стапнав во Дубаи. Целиот тој модерен ...
Мими Анастасова за престојот на Малдиви: „Под бунгаловиот ни пливаа ајкули навечер, а најмногу турис... „Имавме можност 2 дена да престојуваме во вилите на вода, искуството е навистина...
Дијана Коциќ живееше 2 месеци во Танзанија: „Пешачев со пијавица залепена на нога, луѓето зјапаа во ... Дијана Коциќ е блогерка од Белград која не стравува од нови искуства и животни п...

Најчитани неделава

sonovnik-sidebar.jpg