Сања Коцева: „На Бали нема јавен превоз, а и 20 дена се малку за сѐ да се види – островот е рај“

Беше ли дел од некој нивен традиционален обред?

Додека бевме во посета на оризовите полиња, имав можност да учествувам во процесот на производство на познатото Luwak кафе кое е уникатно за цел свет. Важи за едно од најскапите кафиња во светот каде еден килограм кафе може да достигне и до 600 евра.

Процесот не вклучува употреба на никакви машини, туку рачна обработка на зрна кафе кои претходно поминуваат низ дигестивниот тракт на животното наречено Asian Palm Civet.

Во каков тип на сместување престојуваше? Од што од понуденото си највоодушевена?

Нашиот престој на Бали го поделивме на два дела. Десет дена во ресорт во џунглата во Ubud, а десет дена во ресорт покрај океанот во градот Seminyak.

И во двата ресорти искуството беше феноменално, иако ние најголем дел од времето го поминувавме надвор во истражување на островот.

Највоодушевена бев кога во ресортот во џунглата ни приредија појадок на вода (floating breakfast) во бесконечниот базен со поглед кон џунглата на изгрејсонце.

Најромантична сцена на која посведочи на Бали е …

Во најромантичната сцена на Бали јас ја имав главната улога. Мојот тогашен дечко (сега сопруг) ме однесе на традиционално балинејско капење во када со цвеќиња.

Целата када беше украсена со срциња направени од различни цветови и имаше поглед кон џунглата. Сликите во продолжение сведочат за овој романтичен момент.

Дали би го препорачала како дестинација за одмор на сите?

Дефинитивно. Не само како дестинација за одмор туку и како авантура низ цел еден нов свет.

Запознавање со нова култура, традиции, луѓе. Погледот кон недопрената природа, оризовите полиња, најубавите зајдисонца и пријатната клима се гаранција за совршен одмор.

Повеќе фотки од Сања на Бали:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело