Силвана од Скопје: „Работам како туристички водич, годинава Крф ми беше дом 4 месеци - веќе 10 години е така“


Силвана од Скопје: „Работам како туристички водич, годинава Крф ми беше дом 4 месеци - веќе 10 години е така“

„Работата како туристички водич пред пандемијата беше една од најпосакуваните и најпривилегираните професии, но по минатогодишното затворање на границите, живтотите ни се променија од корен... Но, пресреќна сум што успеав островот Крф да ми биде дом 4 месеци и годинава...“, раскажува Силвана Јовановска.

silvana-od-skopje-rabotam-kako-turistichki-vodich-godinava-krf-mi-beshe-dom-4-meseci-vekje-10-godini-e-taka-01.jpg

Силвана Јовановска (33) од Скопје со години работи како туристички водич, а омилена летна дестинација ѝ е грчкиот остров Крф.

За CRNOBELO.com раскажува за проблемите во туризмот поради пандемијата, но и зошто го обожава островот Крф:

„Грчкиот остров Крф е место кое го сметам за мој втор дом. Веќе 10 години ги спојувам работата со задоволството и уживам во секој момент од престојот. Работата како туристички водич пред пандемијата беше една од најпосакуваните и најпривилегираните професии, која секако со себе носи многу одговорности, но и многу привилегии.

Токму на Крф поминував четири месеци од годината и имав можност да остварувам нови пријателства, да го истражам островот и буквално да се чувствувам како да сум дома.

silvana-od-skopje-rabotam-kako-turistichki-vodich-godinava-krf-mi-beshe-dom-4-meseci-vekje-10-godini-e-taka-07.jpg

После минатогодишното затворање на границите, живтотите ни се променија од корен и надежта дека повторно ќе работиме и патуваме како порано, буквално згасна.

Сепак, Грција ги отвори границите и постави услови за патување кои беа комплицирани, но не и невозможни, и тоа беше сосема доволно да продолжиме да се бориме и да се вратиме на нашите најомилени дестинации.

silvana-od-skopje-rabotam-kako-turistichki-vodich-godinava-krf-mi-beshe-dom-4-meseci-vekje-10-godini-e-taka-02.jpg

Првите правила за влез во земјата беа доста отежнувачки, работно време на граничните премини, случајно тестирање на самата граница, како и доказ за вакцинација и тест, полициски час во Грција.

Потоа се укина полицискиот час и работното време на границата, но се воведе задолжително прикажување на сертификатите за вакцинација или брз тест, за влез и излез од островот на траектите.

Сето тоа вредеше затоа што магијата на Крф е нешто кое го одзема здивот.

silvana-od-skopje-rabotam-kako-turistichki-vodich-godinava-krf-mi-beshe-dom-4-meseci-vekje-10-godini-e-taka-11.jpg

На само 500 километри од Скопје и возење со траект околу час и половина, се наоѓа овој мал рај, кој веднаш ве понесува и ги заборавате сите проблеми.

Крф е втор по големина од групацијата Јонски острови, со медитеранска клима, бујна вегетација, прекрасни плажи за сечиј вкус, исклучително вкусна традиционална храна, а народот е топол и отворен за туристи.

silvana-od-skopje-rabotam-kako-turistichki-vodich-godinava-krf-mi-beshe-dom-4-meseci-vekje-10-godini-e-taka-12.jpg

Секој што сака да доживее едно поинакво летување, да истражува, да шета и да не биде стациониран на само едно место, без сомневање треба да одбере некој од грчките острови. Секој е приказна сама по себе и нуди места кои се единствени, прекрасни и пристапни за сечиј џеб. Постојат две пристаништа кои ве водат до Крф, едното се наоѓа кај градот, а другото на јужниот дел на островот на местото Лефкими.

Цените се различни во зависност од тоа со што патувате.  

silvana-od-skopje-rabotam-kako-turistichki-vodich-godinava-krf-mi-beshe-dom-4-meseci-vekje-10-godini-e-taka-05.jpg

На островот Крф можете да најдете ултра луксузно сместување со сите удобности (цени од 1.000 евра по ноќевање и повеќе), но можете да најдете и сосема пристојни апартмански сместувања со сосема нормални цени.

Обично кај нас владее мислењето дека островите се многу скапи и недостапни, и затоа трендот на летување на краците е многу популарен, но практиката покажува дека напротив островите можеби се малку подалеку, но прилично поевтини.

silvana-od-skopje-rabotam-kako-turistichki-vodich-godinava-krf-mi-beshe-dom-4-meseci-vekje-10-godini-e-taka-04.jpg

Продолжува на следната страна...



Би можело да ве интересира:

Патувањето на Around Gaia продолжува: „Комбето е сега наш дом и ќе посетиме што е можно повеќе места... Да се патува четири години со мотор, да се живее од ден за ден, да се посетат 70...
Кико Митев: „Бев меѓу последните туристи на Мачу Пикчу пред да го затворат поради короната“ Постојат луѓе кои не се плашат да експериментираат со животот, да менуваат среди...
Даниела Станковска за Дубаи: „Од Бурџ Халифа го видов најубавото зајдисонце, измрзнав среде пустина ... „Јас бев воодушевена од првиот момент кога стапнав во Дубаи. Целиот тој модерен ...

Најчитани неделава

sonovnik-sidebar.jpg