Даниела патува со камион со сопругот Дарко Влогс: „Бевме во Ново Мексико на Фестивал за балони - незаборавно искуство“

Истиот трае 9 дена (од 5 часот наутро до 9 навечер со над 500 видови на балони. Така што може да замислите колкава традиција е тоа.

Секој ден е различен, со различни облици на балони (ликови од цртаните, филмови, животни, растенија итн.) различни забави за посетителите и различни активности.

Има и денови за натпревари помеѓу тие што летаат со балоните, им се задаваат некакви предизвици и се борат за првата награда.

Исто така, во склоп на сето ова поставени се и огромни шатори, каде што се продава буквално сè. Од продавници за облека, до храна, сувенири, украси од дрво (кои ги резбаат пред вас на лице место). 

Картата за влез е 15 долари (800 денари) на ден од човек, плус се наплаќа паркинг од 20 долари (1060 денари).

Предлог: НЕ влегувајте во паркингот со камион. Ние имавме среќа да стигнеме касно во ноќта претходниот ден, па немаше автомобили воопшто и можевме без проблем да се паркираме, но излегувањето не беше баш така едноставно.

Првиот дел од програмата започна во 6 часот наутро каде започнаа со спремање и летање на 8 балони за да се провери ситуацијата со ветерот. 

Интересно беше затоа што сè уште не беше започнат денот, па правеа кореографија од огновите кои ги испуштаа за да се исправи балонот.

Продолжува на следната страна...