Небојша од Тетово, планински велосипедист: „Сите македонски села на високо се прекрасни, кацигата е најважна опрема“

Детали

понеделник, 09 јануари 2023

„Природа, мир, чист воздух, кој не би посакал тоа? Планинскиот велосипедизам сам по себе си носи авантура, истражуваш нови места, уживаш во поглед додека се искачуваш... Од опремата најважна е кацигата, ова го кажувам од искуство. Сум паѓал, сум се судрил со автомобил и сум завршил на хауба, кацигата ме спасила. Исто така, без резервна гума и алат, вода и благо не се поаѓа на велосипедска тура“ - раскажува за CRNOBELO.com Небојша Никлевски од Тетово. 

Небојша Никлевски од Тетово е љубител на природата, планините и планинскиот велосипедизам.

Пред да ја открие љубовта кон велосипедизмот, неговото хоби бил фудбалот, но кога го купил првиот велосипед многу работи му се смениле во животот.

Во продолжение Небојша за CRNOBELO.com раскажува за неговите велосипедски патешествија низ Македонија...

Од кога започна да се занимаваш со планинарски велосипедизам?

Некаде крај на мај 2019 година беше кога започна авантурата со велосипедот. Тогаш решив да го купам првиот планински велосипед кој го набавив за рекреација и кратки релации, но набрзо ми стана секојдневна навика без која не се може.

Со години беше посветен на фудбалот, но реши тој спорт да го оставиш зад себе. Зошто се одлучи токму за планински велосипедизам?

Природа, мир, чист воздух, кој не би посакал тоа? Планинскиот велосипедизам сам по себе си носи авантура, истражуваш нови места, некогаш на полесен некогаш на потежок начин, секој поминат метар е нешто ново, ново искуство, нови патеки…

Кои рути најчесто ги возиш?

Најчесто кога сум сам возам до селото Сетоле, тоа е на 11 км од Тетово близу 1000 мнв., кратка релација но доста комплексна и со прекрасен поглед.

Кога ќе го видиш погледот кон градот се заборава на патот што си го поминал.

Од толку многу посетени села, кои ти се најубавите?

Сите села си имаат свои убавини, најубави ми е оние планинските и со отворен поглед… Дур се искачуваш уживаш во погледот.

Кои се главните грешки што почетниците најчесто ги прават?

Пред сè мора да се има технички исправен велосипед, не е само качи се и вози, пред секоја тура мора да се провери велосипедот. Од опремата најважна е кацигата, ова го кажувам од искуство. Исто така без резервна гума и алат не се поаѓа на пат…

Места со најубав поглед?

Што повисоко тоа поубав поглед. Титов Врв, Лешница, Љуботен, Гургурница…

Продолжува на следната страна...