Рената - наша инспиративна урбана дама на која велосипедот ѝ е заштитен знак (фото)

Си го обожувам мојот живот на две тркала, и откако и климата се смени можам да кажам дека јас воопшто не го „гаражирам“.

 Го возам речиси 365 дена во годината. Само кога има снег и поројни дождови е паркиран во ходникот на мојот дом.

Велосипедот дефинитивно ми е омилено превозно средство за вршење на сите обврски.

Наутро сакам да се качам, си вклучувам италијанско радио кое постојано пушта сто проценти италијанска музика и се телепортирам во прекрасните јужни краишта на Италија.

Ми го разбиструва умот, ме смирува, ми делува како јога за мозокот, одлично ми влијае на здравствената состојба, а кога сум отсутна од Македонија штом се вратам дома прва работа која ја правам е качување на велосипедот и одење до центар и назад, без никакви обврски, само колку да ми се надополни енергијата.

Имала или немала потреба јас се возам задолжително секој ден. 

Порано кога одев во канцеларија на работа јас секој ден одев со велосипед и тоа не влијаеше на мојот стајлинг. И така неретко можеа да ме сретнат на моите високи црвени потпетици во костим или раскошен фустан.

Возам и на 40 степени во лето и на 3 степени зиме. Толку многу ме поврзуваат со тоа што понекогаш кога поминувам некој ќе ja потпевне песната: „Девојката со точакот“.

Мене велосипедот не ме спречува да појдам на сите места кои вообичаено ги посетувам. Би била пресреќна ако повеќе сограѓани согледаат дека животот на велосипед е здрав начин на живот, кој носи многу предности и би била пресреќна доколку порасне бројот на корисници на велосипед.

Продолжува на следната страница....