Љубовната приказна на Симона и Кристијан: „Се венчавме во манастирот Бигорски, направивме свадба во тениски клуб“

Детали

среда, 21 јуни 2023

„Црковното венчавање го направивме пред една година во манастирот Бигорски, церемонијата беше изведена од страна на Епископ Партениј, кој обрна внимание на секој детаљ, давајќи огромно значење на бракот и венчавањето, a сега направивме и забава за нашите најблиски во тениски клуб во Скопје“, раскажува Симона Николоска Павловска за CRNOBELO.com.

Симона Николоска Павловска, вработена во маркетинг агенција, инаку девелопер и дигитален креативец, која долги години била во светот на модата заедно со модната агенција Models In, стапи во брак со Кристијан Павловски – сопственик на локал во Скопје, претходно вработен во маркетинг агенцијата, каде работи и Симона и каде и започнала нивната љубовна приказна пред 5 години.

Симона вели дека заедничка точка им била љубовта кон животните, спонтаноста која двајцата ја имаат и љубовта кон Mini Cooper автомобилите, кои и на крајот ги споиле во целост.

Симона за CRNOBELO.com ги споделува деталите за нивната љубовна приказна:

„Црковното венчавање го направивме пред 1 година во манастирот Бигорски, церемонијата беше изведена од страна на Епископ Партениј, кој обрна внимание на секој детаљ од церемонијата, давајќи огромно значење на бракот и венчавањето.

Беше навистина голема чест да сето тоа биде изведено од негова страна.

Свадбената прослава ја закажавме за точно една година по венчавката на истиот датум.

Поканата беше една најава за тоа дека нашата приказна ја гледаме како нешто што има многу „Journey points“ (точки на патување), дел поминати, дел ги живееме и дел ни следуваат.

Така и на самата покана пишуваше до кој „Journey point“ сме стигнати и со кого треба да го споделиме.

Свадбата (Wedding party) беше точката до која стигнавме заедно со нашиот Алексеј. Идејата за концептот на свадбата од самиот почеток ни беше топла, позитивна и релаксирана атмосфера секако со доза на елеганција и софистицираност, па така некако одлучивме да бараме место коешто ќе ни ги спои сите тие работи во една неконвенционална свадбена прослава.

Идеја ни беше да биде зелено место, двор, градина, каде што акцент ќе ставиме само на потенцирање на веќепостоечката убавина на местото, односно инспирација ни беа тосканските свадби, кои секогаш зрачат со огромна позитива и слобода.

Местото за свадбата го одбравме следејќи ги овие неколку работи, сосема случајно и незјаејќи дали воопшто постои шанса за свадба таму. Ја направивме во простор кој е составен дел од тениски клуб, каде што бевме многу близу до сè, но сепак одвоени од градот и гушнати од зеленилото на местото.

Продолжува на следната страница...