Паша од Тајланд ја посети Македонија: „Бев на свадба кај најдобрата другарка Македонка, восхитена сум од ајварот“

За посетата на Скопје, таа вели дека е жално што земјотресот го уништил стариот изглед на градот, и дека новиот лик на градот е уникатен.

„Бевме таму за време на летото, па беше прежешко да шетаме преку ден, но вечерите покрај реката беа прекрасни и откривме многу добри места за храна и за шопинг. Дури и еден прекрасен локален бренд и органска козметичка продавница која продава работи произведени од Балканот“ – појаснува таа.

Од градовите кои ги посетиле за време на нивниот летен одмор во Македонија, таа вели дека Охрид и се допаднал поради културата, а Скопје поради одличната храна и шопингот, појаснувајќи дека тие обожаваат рачни изработки, а Македонија има прекрасно занаетчиство и дека купиле многу рачни изработки.

Таа додава дека многу им се допаднале и македонските музеи.

„Убавите икони во црквата Света Марија Перилвлепта. И најверојатната боја на водата на Црниот Дрим.

Јас сум средновековен историчар, па за мене културните локалитети во Северна Македонија се бесконечно фасцинантни“ – е нејзиниот одговор на прашањето што ја воодушевило додека ја посетувала Македонија, додавајќи дека македонскиот народ е пријателски и љубезен.

Бидејќи причината за нејзината посета била свадбата на нејзината другарка, таа вели дека навистина ѝ се допаднале традициите и музика, и дека ја потсетуваат на свадбите од Југозападна Азија.

„За првпат бев на православна свадба и беше навистина неверојатна“ – вели таа.

Единствено нешто што таа би сменила во Македонија се измамите од такси превозниците.

„Може да стане малку исцрпувачки обидувајќи се да најдете такси поради измамите со странците и претераното пазарење/ценкање на пазарот.

Преговарањето е дел и од нашата култура, но кога јасно се гледа дека цените се премногу високи станува заморно“ – вели Паша додавајќи дека измамите на таксистите треба да се сопрат, и не само за странците, туку и за локалците.

На крај Паша додава дека таа и нејзината мајка се чувствувале безбедно додека патувале низ Македонија и дека смета дека на нашата мала земја ѝ треба подобра промоција во светски рамки, и не само поради античката историја туку и поради природната убавина, вкусната храна и квалитетните вина и македонското занаетчиство.

©CRNOBELO.com Забрането преземање и копирање. Крадењето на авторски текстови  и фотографии е казниво со закон.

И. Ј.| Црнобело / Фото: Приватна архива