Црна венчаница, зурли од Галичник: Мартин и Катерина направија уникатна свадба во Сули ан во Скопје (фото)

Ништо не е тешко кога на крај сѐ убаво ќе излезе. Имавме огромна помош од луѓето околу нас и пријателите за сѐ да изгледа така беспрекорно.

Нашата желба беше нековенционална свадба и свадба која повеќе ќе изгледа како журка, отколку класична свадба, па затоа и беше закажана во четврток, бидејќи баш беше период на многу свадби и обично сите се преку викенд, па така одлучивме да биде четврток.

Една од желбите на Катерина беше да носи црна боја на венчаница, па така преку ден во црква и дома бевме облечени во традиционална бела боја, а вечерта се облековме во црно и излеговме на бина, откако се собраа сите гости за да ја најавиме свадбата за почната.

На прославата половина од гостите беа повозрасни, па не беше во ред да стојат цела ноќ и затоа поделивме дел за седење и стоење, иако сфативме дека цела вечер сите се забавуваа и никој не седна.

Музиката беше повеќе од идеално испланирана, па така немаше никаков застој или пауза за вечера, а најголемо изненадување беа зурлите од мојот крај Галичник.

Свадбата за нас двајца беше дефинитивно најубавиот ден кој некогаш сме го имале во животот и имаше огромно количество на љубов и енергија, како кај нас, така и кај сите гости кои нескромно кажаа дека сме ги поместиле стандардите за добра свадба“.

Прочитајте и Во домот на Мартин: Уникатен стан со кровна градина во Градски ѕид во Скопје (фото)

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело