Ивана Кнез: „Време е да ги соблечеме хеланките и патиките, останавме заглавени во тој локдаун комфор“

„Мода најчесто значи финансии, мода значи фустани од 2.000 евра за секој ден, пантaлони од 900 евра… Тоа се суми со кои поголемиот дел од Македонците живеат по неколку месеци и немаат можност да се посветат на убави работи“ - вели дизајнерката Ивана Кнез, која по 5 години пауза се враќа на модната сцена со своја ревија на Скопскиот моден фестивал.

ivana-knez-vreme-e-da-se-trgneme-od-helanki-i-patiki-ostanavme-zaglaveni-vo-toj-lokdaun-komfor-01.jpg

Зошто толкава пауза, каква е состојбата на модната сцена во Македонија и малку повеќе околу модните трендови, Ивана Кнез говори во интервју за CRNOBELO.com...

Како е Ивана, што прави во последниов период? Ни се враќаш по 5 години пауза на Скопскиот моден фестивал, зошто токму тука?

Ивана е променета, најмногу заради самата себе. Променета околина, променети навики, но пред сѐ работев на себе и сѐ тоа што не ми се допаѓаше кај мене.

Пандемијата нѐ промени сите, а јас се обидов да ја искористам таа пауза од животот за да сфатам каде сум и што е тоа што ме тера да одам напред. Ми требаше време да се себеприфатам и да престанам да си докажувам и на себе и на сите околу мене која сум и зошто постојам. Затоа и го одбрав Скопскиот моден фестивал, за да ја вратам Ивана Кнез, за себе и за сите околу мене.

ivana-knez-vreme-e-da-se-trgneme-od-helanki-i-patiki-ostanavme-zaglaveni-vo-toj-lokdaun-komfor-04.jpg

Ми се случи класична клише модна приказна, почна да ме јаде кариерата. Одлуката да престанам ја донесов пред да ни се случи корона, претерав со сѐ, најмногу со личните животни избори.

Ми беше потребно да застанам, да се преслушам и да престанам да лутам во локални критериуми за среќа. Ми беше потребно јас сама да си ја создадам личната среќа и да ја тргнам работата од приватниот живот.

Каква е моменталната состојба на македонската модна сцена? Дали има доволно дизајнери, потенцијал и квалитетна понуда? Што би требало да се подобри гледано од твој аспект?

Уфффф мора да кажам? Балканизирана, масата ја прати локалната задругарска естетика и некако сѐ повеќе и повеќе се пропагира некаква естетика на ултимативен кич.

Ми недостасува времето на индивидуалност и отскокнување од масата, ми недостасува храброст да се облекуваме наместо да се разголуваме, и кога веќе ја имаме таа потреба за „бич плиз” естетика, барем нека е на нивото на индивидуата, а не масата.

Притоа, недостасува фокус на нега и здравје, имаме некој бран на летаргија која ги голта жените и сопственото јас е во втор план. Тука нема простор за мода.

ivana-knez-vreme-e-da-se-trgneme-od-helanki-i-patiki-ostanavme-zaglaveni-vo-toj-lokdaun-komfor-02.jpg

Како Скопје би можело да стане модна метропола?

Така што ќе се промени целата политичка клима која владее последните 30 години. Сѐ во оваа наша земја се врти околу политика, а сѐ повеќе се укинува раст и развој на општеството.

Проблемот е поголем од мода, посилен од тренд, губиме идентитет, основа и причина за живот.

За да постои нешто толку убаво како што е модата, треба да постои здрав и стабилен финансиски систем, општество во кое нема да се бориме за подобро здравство, на пример, туку ќе живееме во услови кои не нѐ оптоваруваат во правец на преживување, ќе ни остават простор вистински да живееме. Тогаш и само тогаш може да зборуваме за мода.

ivana-knez-vreme-e-da-se-trgneme-od-helanki-i-patiki-ostanavme-zaglaveni-vo-toj-lokdaun-komfor-03.jpg

Дали Македонците слепо следат модни трендови?

Македонците во моментов во поголем процентуален размер се во многу лоша финансиска состојба каде се обидуваат да спојат почеток и крај на месец. Не можеме веќе да не зборуваме за големиот розов слон во собата, тука е и сè повеќе расте и се дебелее.

Мода најчесто значи финансии, мода значи фустани од 2.000 евра за секој ден, пантолони од 900 евра… Тоа се суми кои поголемиот дел од Македонците ги живеат по неколку месеци. Поголемо е од нас во моментов, потребен ни е излез од моменталната состојба за да можеме да се посветиме на убавите работи во животот.

ivana-knez-vreme-e-da-se-trgneme-od-helanki-i-patiki-ostanavme-zaglaveni-vo-toj-lokdaun-komfor-01_copy.jpg

Може ли на кратко да ни ја прокоментираш уличната мода во Скопје?

Па, јас би сакала да се тргнеме веќе од хеланки и патики, помина локдоунот не знам зошто упорно останавме заглавени во тој непотребен наметнат комфор.

Постојат многу убави фустани за на работа кои во комбинација со рамни чевли и марама од секоја жена можат да направат вистинска дама, дури и од мене.

ivana-knez-vreme-e-da-se-trgneme-od-helanki-i-patiki-ostanavme-zaglaveni-vo-toj-lokdaun-komfor-05.jpg

Кои 3 модни трендови би ги издвоила за претстојната есен – зима сезона?

Самодоверба, Самокритичност, Само создадена Среќа.

Би можела ли да издвоиш најдобро облечени жени во Македонија?

Секоја една некоја на која не ѝ е страв да не отера нас дизајнерите кај што не треба затоа што ѝ наметнуваме да биде нешто што не сака да биде.

Секоја една која се грижи за себе, која се негува без разлика на условите во кои се наоѓа. Секоја една прекрасна жена која колку и да е падната на дното, ја држи главата горе и со насмевка оди напред затоа што знае дека ќе се извлече.

ivana-knez-vreme-e-da-se-trgneme-od-helanki-i-patiki-ostanavme-zaglaveni-vo-toj-lokdaun-komfor-06.jpg

На која светска модна недела би сакала да учествуваш?

На Скопскиот моден фестивал.

Ревијата на Ивана Кнез е во сабота (30.09.2023) во 19:30 часот -  во ноќниот клуб Pure. Ревијата е дел од програмата за Бела ноќ.

ivana-knez-vreme-e-da-se-trgneme-od-helanki-i-patiki-ostanavme-zaglaveni-vo-toj-lokdaun-komfor-08.jpg

Прочитајте и Програма за 19-та „Бела ноќ“ во Скопје

Е. П. | Црнобело

Би можело да ве интересира:

Васка Леонтиќ: „Забременив со ин витро, сама станав мајка на 48 години, мојата ќерка (5) знае сè за ... „Никогаш не размислував за тоа што ќе зборуваат другите за тоа дека забременив с...
Иван Босиљчиќ за CRNOBELO: „Јелена ме научи да бидам романтичен, порано не бев како ликовите што ги ... „На 6 години добив брат, а многу сакав сестра. Родителите ми велеа дека ќе имам ...
Јелена Розга за CRNOBELO: „Мислев ќе се срушам од убавина кога публиката ја пееше ‘Гинем’ на цел гла... „Утрото пред концертот имав некој чуден страв, па ѝ се јавив на другарка ми и ѝ ...
Маја од Скопје на 41 година го победи ракот на дојка: „Пациентите кријат дека примаат терапии, кај н... „Сакав и одлучив да живеам и мислам дека таа свесна намера беше пресудна да се п...
Кире Лазаров: „Со Каролина бевме партнери за матура, поради погрешна дијагноза мислев дека рано ќе ј... „Финалето на Светското клупско првенство беше мојот најтежок натпревар во кариер...
Ребека, Македонка во Сан Франциско: „Животот ми приреди бура - како испливав нагоре без страв и омра... „Дефинитивно самодовербата се губи ако имате партнер кој не е тоа што сте го зам...

Најчитани неделава

sonovnik-sidebar.jpg