Кристина Димитри за родното Тетово: „Во Лешок го наоѓам мирот, на Попова Шапка сакам да испијам чај на пролет“
- Детали
- петок, 06 октомври 2023
„Името Тетово, според една народна легенда, е врзано со еден необичен настан. Во непосредна близина на градот, меѓу два рида, живеела голема змија од која се плашеле сите. Никој не се обидувал на страшната ѕверка да ѝ излезе на мегдан. Само некој Тето се покажал како храбар маж“, вели манекенката и пејачка Кристина Димитри во серијалот „За мојот роден град“ за CRNOBELO.com.
Манекенката и пејачка Кристина Димитри е родена и живее во Тетово.
Таа со гордост често кажува дека потекнува од овој град во Западна Македонија и дека имала прекрасно детство, а сега тука расте и нејзиниот син Давид.
Кристина вели дека постојат три места кои ѝ се омилени во и околу Тетово, но има и интересна легенда за тоа како градот го добил своето име.
Дека Тетово е навистина прекрасен град, но и кои се местата и спомените кои најмногу ја врзуваат за него, таа раскажа за CRNOBELO.com:
„Мојот град Тетово е град со богата историја. Се наоѓа на падините на Шара, во долната Полошка Котлина.
Името Тетово, според една народна легенда, е врзано со еден необичен настан од времето на турското владеење. Имено, во непосредна близина на градот, меѓу два рида, живеела голема змија од која се плашеле сите.
Никој не се обидувал на страшната ѕверка да ѝ излезе на мегдан. Само некој Тето се покажал како храбар маж.
Наоружан со лак и стрела, со меч и штит, качен на својот брзоног коњ, тој се упатил кон местото каде што била змијата. Таа излегла пред него и му го попречила патот.
Тето не се исплашил. Го оптегнал лакот и со една стрела ја предизвикал ѕверката. Змијата почнала да испушта продорен глас и разлутена се упатила кон пленот. Но, Тето бил бестрашен.
Кога влекачот се доближил до него, тој замавнал со остриот меч и ја прободел змијата.
Луѓето биле ослободени од опасната ѕверка и престанале да се плашат. Преминот меѓу двата рида бил слободен и лесно прооден. Оттогаш, според легендата, местото каде што била убиена змијата со меч и штит (калкан), било наречено Калкандели, а градот (на турски) - Калканделен.
Во сеќавање на јунакот Тето, пак, месното население населбата ја нарекло со името Тетово.
Според мене најубавиот дел на Тетово е Лешок. Место на мир, спокој и планински воздух. Мое омилено место е Лешочкиот манастир, кој е најголемиот духовен центар во тетовско.
Тука се наоѓаат црквите „Св. Атанасиј“ и „Св. Богородица“, како и гробот и спомен собата на Кирил Пејчиновиќ кој е еден од најпознатите македонски преродбеници од 19-тиот век.
Продолжува на следната страница...
Би можело да ве интересира:
Препорачуваме
Најчитани неделава
