Сашко Коцев: „Секој поминал низ фаза на врсничко насилство, кога детското задевање станува забава за едниот, а хорор за другиот“

„Родителите треба да разговараат со децата за врсничкото насилство и да ги упатуваат во работите. Детето е рефлексија на родителот. Потребни се долги, топли разговори, зашто со едно посочување нема да се смени ништо. Тоа е долготраен процес“, вели Сашко Коцев.

sashko-kocev-sekoj-pominal-niz-faza-na-vrsnichko-nasilstvo-koga-detskoto-zadevanje-stanuva-zabava-za-edniot-a-horor-za-drugiot-01.jpg

Актерот Сашко Коцев е едно од лицата на кампањата „Крени глас“ на „Макпетрол“, чија цел е да се стави крај на врсничкото насилство и да се зголеми свесноста, пред сè на младите, дека булингот и исмевањето носат страшни последици во иднината на децата.

Целта на општествено одговорната компанија „Макпетрол“ е преку едукативна кампања да укаже на важноста за оваа горлива тема, но и да понуди излез.

Коцев во кампањата ја раскажува приказната за Петар, момче кое потекнува од сиромашно семејство, носи стари и изветвени алишта и кое е мета на потсмев поради тоа.

Петар се повлекува во себе и бега од оние кои со прст покажуваат кон него.

Сашко со многу емоции ја раскажува оваа случка, за која вели дека можеби е вистинита, а можеби и не, но треба да допре до луѓето и да им ја развие емпатијата кон другите.

sashko-kocev-sekoj-pominal-niz-faza-na-vrsnichko-nasilstvo-koga-detskoto-zadevanje-stanuva-zabava-za-edniot-a-horor-za-drugiot-02.jpg

Во разговор за CRNOBELO.com, Коцев ни раскажа за својата вклученост во кампањата „Крени глас“:

Зошто реши да станеш дел од кампањата „Крени глас“?

Тоа е покана за соработка која ја прифатив без никакво размислување.

Дури се чудев зошто порано не се направила, па дури и зошто самиот не сум започнал ваква иницијатива.

Која е пораката што сакаш да ја испратиш со приказната за Петар? Дали таа допира до луѓето, имаш ли позитивни коментари, дали те контактираа луѓе кои се нашле во слична ситуација и успеале да ја надминат?

По стартот на кампањата имам многу коментари од знајни, а и незнајни луѓе кои ја поздравуваат, бидејќи на некој начин се пронашле во некоја од приказните.

Но, запрепастен сум од негативните коментари и оние кои буквално во кампања против насилство, прават насилство со навредливи пораки врз учесниците во самата кампања.

Ова се прави токму за нив, но очигледно е тешко да се променат и да го направат светот поубаво место.

sashko-kocev-sekoj-pominal-niz-faza-na-vrsnichko-nasilstvo-koga-detskoto-zadevanje-stanuva-zabava-za-edniot-a-horor-za-drugiot-03.jpg

Приказната за Петар која ја раскажуваш е приказна во која може да се пронајдат многумина. Дали е ова вистинска приказна од твоето детство, и ако да, дали си и денес во контакт со него, продолжи ли вашето пријателство?

Не е важно воопшто дали е тоа вистинска приказна, дали сум ја чул, кој е Петар, дали го знам, дали сум јас тој...

Важно е освестувањето!

Обично сите ги знаеме овие појави и аномалии, но некако тешко се менуваме или влијаеме на другите тоа да го сменат кај себе, дали свесно или несвесно.

Дали лично ти си бил жртва на врсничко насилство?

Секако дека секој поминал низ таква фаза во своето детство и страшното се случило кога тоа од некоја детска закачка или детско задевање ќе прерасне во забава за некого, а хорор за другиот.

Родителите се тие кои треба да разговараат со децата и да ги упатуваат во работите.

Детето е рефлексија на родителот.

sashko-kocev-sekoj-pominal-niz-faza-na-vrsnichko-nasilstvo-koga-detskoto-zadevanje-stanuva-zabava-za-edniot-a-horor-za-drugiot-04.jpg

А како би постапил како родител доколку твојата ќерка биде жртва на врсничко насилство?

Само разговор. И тоа со двете страни.

Долги, топли разговори, затоа што со едно посочување нема да се смени ништо.

Тоа е долготраен процес.

Погледнете го видеото од кампањата „Крени глас“ и приказната за Петар:

На страницата kreniglas.mk постои опција секој што бил жртва или имал искуство со булингот, анонимно да ја сподели својата приказна.

Крајно време е сите да кренеме глас!

A. J. | Црнобело

Би можело да ве интересира:

Меланија Цветковска, физиотерапевт: „Луѓето кај нас не сфаќаат дека потиснатите чувства предизвикува... „Лутината, стравот или тагата може да се манифестираат како разни абдоминални бо...
Марта Гусар, адвокат: „Не е неопходен развод за жртвите на семејно насилство да побараат заштита“ „Доколку жртвата на семејно насилство сака да поведе и постапка за заштита и бра...
Елена Ристеска: „Има многу злоба меѓу народот, се штитам така што никој не знае каде сум и што права... „Почесто плачам од радост, отколку од тага. Емотивна сум за блиски луѓе, за...
Маја Саздановска: „И по 30 години од песната ‘Во светот на бајките’, добивам видеа од родители кои г... „Од моето најрано детство, баба ми ме качуваше на столче кога ќе ѝ дојдеа другар...
Актерот Сашо Ристовски има рајско дворче во село Теово: „Го уредувам заедно со родителите, си одглед... „За да изгледа вака како денес, зад нас е децениска посветеност во уредувањето. ...
Барбара Поповиќ за CRNOBELО: „Имам италијански корени, ќе пеам на Сан Ремо“ „Од македонските музичари најблиска сум со Иван Јованов од Либеро бенд. Тој ми е...

Најчитани неделава

sonovnik-sidebar.jpg