Бразилецот Клаудио за посетата во Македонија: „Македонките се преубави, таксистите наплаќаат трипати повеќе за странци“

Детали

вторник, 26 декември 2023

„Локалците, кои јас ги запознав, се навистина заинтересирани за странци, посебно некој од многу подалеку, како Бразил. Секогаш ми даваа совети, ме покануваа да посетам нови места, имаа многу прашања, но секогаш се трудеа да ми биде удобно. Гласни и интересни, многу забавни, но пред сè секогаш се тука да ти помогнат и навистина можеш да сметаш на нив“, открива Клаудио, фотограф од Бразил кој помина три месеци во Скопје.

Младиот Бразилец Клаудио раскажува за неговите три месеци поминати во Скопје, за посетата на Охрид и што му се допаднало, а што не во нашата мала Македонија.

Клаудио Александре Леао Рего е 33-годишен фотограф од Хортоландија, мало гратче во внатрешноста на Сао Пауло.

Од почетокот на октомври Клаудио престојува во Скопје, а причината за неговата посета е „бегање од Шенген зоната“, додека средува документи да го легализира својот престој во Малта и конечно да се пресели на медитеранскиот остров.

За Скопје вели дека е прекрасно, посебно му се допаѓаат природните пејзажи и архитектурата, а од нашата храна најмногу му се допаѓа тавче гравче - вели е вкус што го потсетува на Бразил. За него Скопје е интересен и жив град, но Охрид и езерото се нешто што го воодушевило, посебно манастирот Свети Наум.

Но, сепак, Скопје има една маана, а тоа се таксистите, за кои Клаудио вели му наплаќале трипати поскапо кога сфаќале дека е странец.

За CRNOBELO.com, овој млад Бразилец раскажува за своето искуство во Скопје и Охрид, и додава дека уште отсега планира да се врати, бидејќи има уште многу места кои сака да ги посети, а посебно Охрид во лето.

Тој вели дека иако Македонија и Бразил се на различни краеви од светот, заедничко им е што и Македонците и Бразилците сакаат да се забавуваат и да пијат!

Прочитајте го целото интервју со Клаудио:

Колку долго си во Македонија и која е причината за твојата посета?

Во Скопје сум околу три месеци, од октомври до декември. Причината беше тоа што морав да излезам од Шенген зоната, па се одлучив за Македонија бидејќи имав слушнато само добри работи за местото и за цените.

Кој беше твојот прв впечаток за Скопје?

Беше одлично, се заљубив во пејзажите и зградите. Го имам тоа чувство дека се враќам назад во историјата, тоа е нешто што го немам искусено никаде во Бразил.

Што најмногу ти се допадна во Скопје, а што не?

Ми се допаѓа целиот град, почнувајќи од пејзажите и целата архитектура, зградите, мостовите и статуите, а ги има многу. Она што не ми се допадна е лошиот квалитет на воздухот и тоа што во некои локали се пуши внатре.

Дури морам да си одам од некои барови бидејќи беше премногу задимено и не можев да го издржам мирисот на цигари.

Кое е твоето мислење за локалците: Дали се пријателски расположени и сакаат да помогнат или се нељубезни и осудувачки настроени?

Локалците, кои јас ги запознав, се навистина заинтересирани за странци, посебно некој од многу подалеку, како Бразил. Секогаш ми даваа совети, ме покануваа да посетам нови места, имаа многу прашања, но секогаш се трудеа да ми биде удобно.

Имав само некои проблеми со услугата во ресторани, изгледаше како да не сакаат да ми земат нарачка, па дури и како да не сакаат да им платам.

Кои места ги посети за време на твојот престој во Македонија?

Се обидов да ги посетам сите туристички места во Скопје, како плоштадот, камениот мост, турската чаршија, Калето, Матка, Крстот на Водно и Музејот на Македонија. Исто така посетив многу трговски центри.

Ми се допаѓа да се шетам ни трговските, цените се одлични споредбено со други места низ Европа и Бразил.

Го посетив и Охрид и навистина е прекрасен. Посебно ми се допаднаа Самуиловата тврдина и манастирот Свети Наум. Одлично место за фотографирање.

Што мислиш за Охрид?

Навистина ми се допадна градот, пред сè езерото и целиот поглед е волшебен. И секако, мора да споменам дека воздухот во Охрид е многу подобар од Скопје.

Скопје или Охрид?

Охрид, поради целата убавина, но, Скопје поради забавата и секако, зависи од работната позиција.

Сметам дека Охрид вреди да се посети во лето, јас морам да се вратам во лето, бидејќи сите ми велат дека Охрид во есен не е ист како во лето, со сиот ноќен живот, плажи и метеж.

Интервјуто продолжува на следната страница...