Бразилецот Клаудио за посетата во Македонија: „Македонките се преубави, таксистите наплаќаат трипати повеќе за странци“

Кое македонско јадење те остави онака, без зборови?

Првпат пробав македонска храна во ресторан во Малта и навистина ми се допадна. Бурекот е одличен и големите сендвичи од 7ца, но уживам да јадам во кафеани, посебно гравче тавче бидејќи тоа е вкус што ме потсетува на Бразил.

И пивото е феноменално.

Има ли нешто што не ти се допадна?

Нее, сè што пробав беше превкусно.

Имаш пријатели кои се Македонци - кое е твоето мислење за Македонците како пријатели?

Гласни и интересни, многу забавни, но пред сè секогаш се тука да ти помогнат и навистина можеш да сметаш на нив.

Дали си имал некоја непријатна ситуација во Македонија?

За жал, да, и тоа со таксисти. И не е само една. Такси возачите навистина ги злоупотребуваат цените кога ќе видат дека патникот не е локален, наплаќаат дури и трипати повеќе.

Еден дури ме однесе на погрешна локација и сакаше да ми наплати многу висока цена, како да ме носел до аеродромот. Секако, не му платив.

Во овие ситуации многу ми недостига Убер. Потоа изнајмив автомобил, бидејќи ми беше полесно, а и поевтино за шетање и одење до Охрид.

Бразил и Македонија се на различни краеви од светот, но дали има нешто по што се слични во нивните култури и луѓе?

Да, и Македонците и Бразилците сакаат да се забавуваат и да пијат, но во сè друго се различни.

Кое е твоето мислење за цените во Скопје?

Ги сакам цените во Скопје, тоа е една од причините што ја избрав Македонија, а и повторно би се вратил. Другарка ми само ме праќа во маркет да купувам нови македонски производи за да пробам.

Имаш работено на брод и имаш посетено многу земји низ Европа и Америка, па каде би ја сместил Македонија на твојата листа за омилени места според нејзината култура, природа, луѓе и кујна?

Тоа е многу тешко прашање. За културата и природата, тие се навистина воодушевувачки, исто така и Македонците, освен таксистите и вработените во ресторани.

А, македонската храна, заедно со италијанската, се моите омилени.

Како ти се допаѓа климата во Македонија, дали се навикна на студеното време?

Воопшто не се навикнав, дури морав да купам и дополнителна топла облека.

Видов и снег, престудено ми беше, иако знам дека ќе биде уште поладно, па среќен сум што нема да бидам тука кога температурите се под нулата.

Дали мислиш дека Скопје е безбедно место за туристи и патувачи?

Да, посебно за некој како мене кој доаѓа од Бразил, можеби јас сум опасен за тука.

Според твоето искуство, што треба да се промени за Македонија да биде подобро место за туристи?

Потребно е повеќе да се зборува англиски јазик и подобра услуга во рестораните. И Убер, бидејќи таксистите претеруваат со цени.

Нешто што те остави без зборови за време на твојот престој во Македонија?

Искрено, фактот што има многу малку Бразилци, обично нè има многу низ целиот свет. Јас запознав само еден.

Додека си во Скопје, успеа и да изработиш неколку фотосесии. Раскажи ни малку за тоа искуство.

Беше тешко да се најдат клиенти за фотографирање кои би ги ставил во моето портфолио. Девојките се срамежливи во Скопје, не знам дали е тоа поради ладното време.

Во клубовите беше полесно за фотографирање, иако не ги разбирав многу што зборуваат поради јазикот но, верувам дека во летото има повеќе опции за фотографирање, настави и полни клубови.

И за крај, што мислиш за македонските девојки?

Мноогу убави! За жал, одбрав да дојдам во Македонија само што почнав сериозна врска. Можеби ќе почекав да знаев дека ќе доаѓам во Македонија и ќе престојувам тука подолг период.

Но, веќе им раскажувам на моите другари за тоа колку се убави девојките тука и дека мора да дојдат да ја посетат Македонија и да ги запознат.

Погледнете повеќе фотографии од објективот на Клаудио:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови  и фотографии е казниво со закон.

И. Ј.| Црнобело / фото: приватна архива