„Сакам да останам во Македонија и да се борам за нашето здравство“: Д-р Марио Јакимовски, специјализант на клиниката за хематологија

„Македонија заостанува во поглед на бројот на пријавени донори на коскена срцевина. На нашата клиника секојдневно и без застој се спроведуваат трансплантации веќе 24 години, a годинава за првпат беше спроведена трансплантација од македонски донори“ – вели за CRNOBELO.com д-р Марио Јакимовски, доктор специјализант на Универзитетската клиника за Хематологија.

d-r-mario-jakimovski-e-specijalizant-na-klinikata-za-hematologija-sakam-da-ostanam-vo-makedonija-i-da-se-boram-za-nasheto-zdravstvo-01.jpg

Марио Јакимовски е 28-годишен доктор специјализант на Универзитетската клиника за Хематологија во Скопје.

Тој потекнува од Крива Паланка, а по завршениот факултет за општа медицина како еден од подобрите студенти, се вработува и денес работи на Одделот за трансплантација на хематопоетски матични клетки (коскена срж).

d-r-mario-jakimovski-e-specijalizant-na-klinikata-za-hematologija-sakam-da-ostanam-vo-makedonija-i-da-se-boram-za-nasheto-zdravstvo-02_copy.jpg

Тој започнал со специјализација во 2023-та година, а со него разговаравме повеќе за тоа зошто е важно да се донира коскена срж, во кои случаи таа може да спаси живот, но и за предизвиците со коишто најчесто се соочуваат студентите и специјализантите по медицина, кои одлучуваат да останат во Македонија и се иднината на нашето здравство.

Во продолжение целото интервју на д-р Марио Јакимовски за CRNOBELO.com:

Од каде љубовта кон медицината? Кога знаеше дека еден ден сакаш да станеш лекар?

Мојата желба за да ја изучувам и работам медицината се роди уште од основно образование.

Всушност… Со ова прашање ме потсетивте на еден тежок пат, во кој е вложен голем труд, макотрпна работа и огромна желба, а тоа е рецепт за да се стане успешен лекар.

d-r-mario-jakimovski-e-specijalizant-na-klinikata-za-hematologija-sakam-da-ostanam-vo-makedonija-i-da-se-boram-za-nasheto-zdravstvo-03.jpg

Работиш на Одделот за хематологија. Можеш ли да ни појасниш каква област е хематологијата и зошто се одлучи да специјализираш токму во таа област?

Хематологијата е комплексна гранка на медицината која се занимава со болести на крвта.

Предизвикувачки чин во Хематологијата е тоа што скоро сите хематолошки болести се крајно непредвидливи, посебно кога станува збор за малигните хемопатии.

Што се хематопоетски матични клетки и постои ли интерес кај Македонците за донирање на матичните клетки?

Во секој организам, коскената срцевина е извор на сите клетки од крвта.

Во коскената срцевина се наоѓаат хематопоетски матични клетки кои континуирано создаваат нови клетки на крвта и ги заменуваат уништените клетки.

Во случај кога коскената срцевина ќе се оштети од болести или некои лекови, таа престанува да ги создава овие неопходни клетки на крвта што доведува до сериозни болести.

Затоа хематопоетските матичини клетки се заменуваат со нови.

Што се однесува до интересот за донирање хематопоетски матични клетки, мислам дека нашата држава заостанува во поглед на бројот на пријавени донори во регистарот на дарители на коскена срцевина.

Меѓутоа во последните неколку години, клиниката успешно спроведува акција под називот „Биди срцевина, биди херој“ за подигнување на свеста за дарување ХМК.

Оваа прилика би сакал да ја искористам за да испратам апел за што поголем број на млади лица да се пријават како дарители во регистарот, бидејќи со тоа се спасуваат животи.

d-r-mario-jakimovski-e-specijalizant-na-klinikata-za-hematologija-sakam-da-ostanam-vo-makedonija-i-da-se-boram-za-nasheto-zdravstvo-08.jpg

Постои ли одреден рок на чување на матичните клетки и колкав е тој?

Доколку постои потреба хематопоетските матични клетки да се криопрезервираат (замрзнат) нивниот рок на траење е неограничен.

Во пракса спроведувањето трансплантација се одвива во првите неколку месеци од дијагностицирање на болеста, па затоа криопрезервираните матични клетки се искористуваат брзо.

Продолжува на следната страница...



Би можело да ве интересира:

Јасмина Цветковска 9 години живее во Сиднеј: „Како инженер лесно најдов работа, но проблем се скапит... „Дипломите од природните науки, машинските струки, архитектура, електро-инженерс...
Сипхокази Трпкоски од Јужноафриканска Република е македонска снаа: „Сакам пастрмалија и ракија, Охри... „Македонската свадба е за мене е најубавата македонска традиција. Многу е убаво ...
Французинката Олга 2 пати го посети Скопје: „Македонците се прекрасен народ“ „Ми се допадна културата, мешавина помеѓу оксидент и ориент, природата, византис...
Паша од Тајланд ја посети Македонија: „Бев на свадба кај најдобрата другарка Македонка, восхитена су...  „Македонците навистина ги почитуваат и им помагаат на постарите луѓе. Тоа ...
Натали, археолог од Франција: „Македонците се многу гостопримливи, помалите градови ми се поубави од...   „Македонците генерално се со отворен ум и секогаш пријателски настроени, ...
Бразилецот Клаудио за посетата во Македонија: „Македонките се преубави, таксистите наплаќаат трипати... „Локалците, кои јас ги запознав, се навистина заинтересирани за странци, посебно...

Најчитани неделава

sonovnik-sidebar.jpg