Филип и Ивона, наш инфлуенсерски пар со впечатлив моден стил: „Обожаваме кежуал стил и фотографија“

Детали

петок, 06 декември 2024

„Двајцата сме љубители на тој некој убав кежуал стил, кој се издвојува и е уникатен. Дури сакаме и исти бои во модните комбинации, што можеби е и реткост кај многу парови“, вели Филип Петровски за CRNOBELO.com.

Филип Петровски со потекло од Крива Паланка и Куманово и неговата партнерка Ивона Јованова од Свети Николе, живеат и работат во Скопје, а хоби им е инфлуенсерство.

Филип веќе 3 години, додека Ивона една, односно откако се запознале и виделе дека тоа ги исполнува двајцата.

Ивона е студент на стоматологија, а Филип работи во продавница со накит која им е исто така дел од соработниците што ги имаат на Инстаграм.

За нивниот моден стил и љубовта кон фотографијата, Филип открива за CRNOBELO.com:

„Двајцата сме љубители на тој некој убав кежуал стил, стил кој може да се издвои од секојдневието и да е уникатно.

Можеби повеќе посветуваме време на уникатност од некоја уметничка перспектива, која јас како лик кој се занимава цело време со уметност ја ценам.

Со Ивона првпат кога сликавме, јас ја сликав и ми беше одлична за пред објектив и така и ѝ реков: „Ти не само девојка, него и модел со мене ќе бидеш“.

Од тогаш наваму работиме на нас, работиме на студиите пред сè што Ивона ги има, бидејќи сите знаеме колку е тежок Стоматолошкиот факултет, а после работиме на сè друго и даваме максимум за сè што ќе го сработиме да биде онака како што треба.

Двајцата знаеме да испозираме кога се фотографираме баш онака како треба и да си го одржиме тој некој наш стил на фотографија.

Сакаме street фотографија, обожаваме портрет фотки и сакаме да излеземе да уживаме во денот и да сликаме и снимаме, искрено си го сакаме времето заедно и се сложуваме, особено кога е во прашање усогласување на тоа како би биле облечени.

Дури сакаме и исти бои што можеби е и реткост кај многу парови, единствено јас можеби се двојам во поглед на тоа што ја сум нешто накај „Dark aesthetic“ стил (сакам потемни тонови), додека Ивона е повеќе околу светлите тонови, кои супер ѝ стојат.

Продолжува на следната страница...