Момче од САД дојде во посета на Македонија, по препорака од пријател од Скопје: „Храната е неверојатна!“ (фото)

Детали

вторник, 23 ноември 2021

„Пријател од Скопје ми кажа за планините, климата, луѓето и морав да дојдам...“, раскажува за CRNOBELO.com 26-годишниот Абди од САД, кој има потекло од Јужна Африка.

Навистина имаме прекрасни луѓе, храна, природа, гостопримливи сме и дружељубиви, па не е чудно што странците се воодушевени кога ќе дојдат на посета кај нас.

Така, Абди Динбил од САД моментално е во посета на Македонија. Одлучил да дојде поради убавите зборови за нашата држава кои ги чул од свој пријател.

За CRNOBELO.com тој вели:

„Јас сум од Америка, но моето семејство е од Јужна Африка. Моето име е Абди Динбил и имам 26 години.

Имам пријател кој живее во Скопје и тој ми кажа за градот и за државата општо. Ми раскажа за планините, за климата, за луѓето и инстантно посакав да дојдам и да видам од што е толку воодушевен.

Уште веднаш ми се допадна земјата, а особено тоа што луѓето се многу пријателски настроени и фини. Храната е и повеќе од неверојатна! Луѓето се толку дружељубиви што воопшто не се чувствувам како странец тука.“

https://www.instagram.com/p/CWbiCVcvxZ-/

фото извор: Инстаграм Абди

С. С. | Црнобело