Снежана Петкас, астролог: „Дневно правам 3 до 4 натални карти, жените најмногу ги интересира љубовта“

На кои полиња од животот е доминантен хороскопскиот подзнак? И како се пресметува подзнак?

Подзнакот се пресметува според часот на раѓање и тој делува цел живот, но поистакнат е после 28-мата година и тука човекот почнува да се менува во зависност во кој знак е неговиот подзнак.

Кој е најкомплицираниот хороскопски знак и зошто?

Како најкомплициран знак важи Девицата бидејќи е склона кон критики и кон психолошки стравови.

Кој е најголемиот другар од хороскопските знаци и зошто?

Вагата е хороскопски знак којшто тежнее кон дипломатија и тоа ѝ дава да биде како еден од подобрите знаци за другарство.

Дали си имала некаков проблем или инцидент со клиент кој дознал нешто непријатно од натална карта?

Во принцип сум немала лоши искуства бидејќи секогаш пред да почнам со клиентот добро го разработувам неговиот карактер и внимавам на кој начин ќе му ги пренесам работите кои ги има во наталната карта, бидејќи има и луѓе коишто се психички понестабилни и со нив треба крајно внимателно да се разговара и да се пренесат некои работи коишто се во неговата натална карта присутни.

Ги прашуваш ли партнерите веднаш што се во хороскоп? Дали и хороскопскиот знак ти е критериум во љубовните врски?

Во принцип многу е важно кај мажите каде се наоѓа неговиот Марс и како е позициониран за да имам некоја подетална слика каков е неговиот карактер бидејќи од само знакот не може да се види неговиот карактер.

Колку Македонците веруваат во хороскоп?

Македонците се народ којшто ги интересира астрологијата како наука и се доста заинтересирани за изработка на натални карти, поготово што астрологијата како наука може да даде добри насоки во животот на еден човек.

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело