Македонка од Струмица со сопругот има 7 градинки во САД: „Почетокот беше многу тежок, си го сакам родното место, но не би се вратила таму“

Кажи ни нешто повеќе за самиот процес на згрижување на дечињата? Колку дечиња има во групите, по колку часа се згрижени, какви активности имаат во текот на денот?

Како приватни едукатори за деца во рана возраст, имаме дозвола да се грижиме за деца од 2 месеци до 12 годишна возраст.

Имаме акредитирана едукативна програма за секоја возраст, бидејќи децата учат различно на различна возраст и групите се формирани со деца од иста возраст.

Секоја возраст има различен број на дечиња, а бројот е одреден спрема возраста. На пример, во група за бебиња од 2 месеци до 11 месеци, има најмногу 4 бебиња со една учителка, во група за 2 годишни дечиња најмногу 11 со една учителка итн.

Нудиме грижа од 6:30 наутро до 18:00 попладне.

Децата се згрижени со 4 полни оброци за времето додека се во градинка, следат распоред на учење, играње, тематика, време за одмор итн.

Имаме програма која ги активира родителите да бидат дел од наставата преку фамилијарни проекти и домашни задачи. Во сите седум градинки нудиме иста програма, а во 2021 добивме лиценца и станавме легална франшизна компанија.

Голем благослов е што ја имаме можноста да се грижиме за деца на други луѓе и да им даваме корени на образование. Кај нас, во рана возраст, започнува сѐ.

Дали некогаш со сопругот помислувате повторно да живеете во Македонија?

Само што се вративме од одмор во Македонија. Поминавме супер 10 дена, си го сакам родното место, но не би се вратила да живеам таму.

Што е она што најмногу ти недостасува од Македонија, а што е она што најмногу ти пречеше додека живееше тука?

Ми недостасуваат „времето за на кафе“, моралните вредности, слободата. Не би рекла дека нешто ми пречело, бидејќи таму сум родена и порасната, начинот на живот е тоа што го знаев и е многу по различен од каде живеам сега.

Погледнете уште неколку фотографии од градинките:

Б. С. Б. | Црнобело