Македонка од Струмица со сопругот има 7 градинки во САД: „Почетокот беше многу тежок, си го сакам родното место, но не би се вратила таму“

„Многу тешко најдов работа кога се преселив во САД. Процесот за отворање сопствен бизнис беше многу долг, а денес имаме 7 градинки. Се грижиме за деца од 2 месеци до 12 години“ – раскажува за CRNOBELO.com струмичанката Македонка Пaлифрова Брукс која од 2015-та година заедно со сопругот Филип Брукс живее во САД.

makedonka-od-strumica-so-soprugot-ima-7-gradinki-vo-sad-pochetokot-beshe-mnogu-tezhok-si-go-sakam-rodnoto-mesto-no-ne-bi-se-vratila-tamu-01.jpg

Македонка Пaлифрова Брукс е мајка на 3 деца (едно девојче и две момчиња) која заедно со сопругот Филип Остин Брукс е сопственичка на седум градинки во САД.

Нивната љубовна приказна започнала во нејзината родна Струмица, каде живееле една година заедно, а од 2015-та година се преселиле во САД.

makedonka-od-strumica-so-soprugot-ima-7-gradinki-vo-sad-pochetokot-beshe-mnogu-tezhok-si-go-sakam-rodnoto-mesto-no-ne-bi-se-vratila-tamu-06.jpeg

По добивањето на документите тие двајца одлучиле да си заминат од Струмица, каде вели мислењата за нив како пар биле поделени и да се преселат во родниот Далас на Филип.

Во интервју за CRNOBELO.com Македонка раскажува колку биле тешки почетоците таму за започнување сопствен бизнис, но појаснува и како воопшто изгледа денот на дечињата сместени во нивните градинки.

Како се запознавте со сопругот Филип и од каде е тој по потекло? Како започна вашата љубовна приказна?

Со сопругот Филип Остин Брукс се запознавме во Струмица. Тој беше дојден од Далас САД да игра кошарка за струмичкиот клуб Аба. Врската ни започна многу спонтано, запознавајќи се еден со друг подобро.

makedonka-od-strumica-so-soprugot-ima-7-gradinki-vo-sad-pochetokot-beshe-mnogu-tezhok-si-go-sakam-rodnoto-mesto-no-ne-bi-se-vratila-tamu-04.jpeg

Живеевте една година во Струмица, како ја прифаќаа луѓето вашата врска? Дали наидувавте на критики и осуда или лесно ве прифатија?

Додека живеевме во Струмица, за некои луѓе бевме интересен пар, а пак за други, тема за критика и озборување. Од било кој аспект, беше различно искуство на внимание.

makedonka-od-strumica-so-soprugot-ima-7-gradinki-vo-sad-pochetokot-beshe-mnogu-tezhok-si-go-sakam-rodnoto-mesto-no-ne-bi-se-vratila-tamu-05.jpeg

Што работеше на почетокот кога стигна во САД, дали брзо и лесно се навикна или ти требаше повеќе време?

На почетокот кога се преселив во Далас, не беше лесно да најдам работа како што сакав. Немав претходно искуство, дојдов од земја сосема различна од Америка и секако не беше како што замислував дека ќе биде за мене.

Требаше време да го научам системот на живот тука. Првата работа што ја добив во Далас беше учителка во градинка за деца.

makedonka-od-strumica-so-soprugot-ima-7-gradinki-vo-sad-pochetokot-beshe-mnogu-tezhok-si-go-sakam-rodnoto-mesto-no-ne-bi-se-vratila-tamu-03.jpeg

Како дојде до идеја да отвориш сопствени градинки во САД?

Работата која ја добив како учителка во градинка ни даде идеа и секако ми помогна и искуството кое го добив додека работев во градинката.

makedonka-od-strumica-so-soprugot-ima-7-gradinki-vo-sad-pochetokot-beshe-mnogu-tezhok-si-go-sakam-rodnoto-mesto-no-ne-bi-se-vratila-tamu-08.jpeg

Лесно ли се започнува сопствен бизнис во САД? Колку време траеше процедурата за започнување сопствен бизнис?

Не беше лесно. Ни требаше време да добиеме дозволи и лиценци за првата градинка, да ги поминеме сите инспекции од различни области за безбедност.

Уште на почетокот, со сопругот ја поделивме работата и работиме како тим, секој со своите одредени обврски.

makedonka-od-strumica-so-soprugot-ima-7-gradinki-vo-sad-pochetokot-beshe-mnogu-tezhok-si-go-sakam-rodnoto-mesto-no-ne-bi-se-vratila-tamu-02.jpg

Продолжува на следната страна...



Би можело да ве интересира:

Инспиративен лик: Филип Иванов – пастор во Велес, голем хуманитарец и вљубеник во природа, кој оди н... Филип Иванов (33), веќе 5 години работи како пастор во Велес и во интервју за CR...
Интервју со дуото ДНК: Панчо во кафеана ја нарачува „Недеља“ од Џеј, Андреј вели дека уште се истите... Велат дека воопшто не се променети како луѓе во овие 20 години кариера, Андреј р...
Христина од Кичево е мајка на предвреме родено дете: „Имав нормална бременост, дури по 2 години сфат... „Две недели по раѓањето на Леонид состојбата му се влоши, за што лекарите не сак...

Најчитани неделава

sonovnik-sidebar.jpg