Викторија Лоба за свадбата со саканиот Ѓорѓи: „Носев венчаница долга 3 метри, два бели гулаби слетаа на зајдисонце кај Св. Јован Канео“

Детали

вторник, 30 август 2022

„Временската прогноза тој ден беше толку променлива, дуваше силен ветар и секој момент очекувавме да заврне. Но, кога излеговме од црквата сè беше толку смирено, меко, навистина волшебно. За неколку минути го дочекавме и зајдисонцето, а она што навистина нè воодушеви се два бели гулаби кои сосема случајно долетаа на кровот од црквата и така еден до друг седеа и нè набљудуваа од горе сè додека не заминавме...“, раскажува Викторија Лоба за CRNOBELO.com за црковната свадба со својот избраник Ѓорѓи Калешов во црквата Свети Јован Благослов Канео во Охрид.

Викторија Лоба по 9 години врска стапи во брак со својот избраник Ѓорѓи Калешов, поранешен кошаркар, на романтична свадбена церемонија на 28-ми август во една од најпознатите цркви во Охрид, Свети Јован Благослов Канео.

Во романтична венчаница на зајдисонце со најблиските покрај неа, пејачката блеска на својот голем ден. Атмосферата е едноставно магична.

За CRNOBELO.com Викторија споделува детали од свадбената церемонија:

Колку години бевте во љубовна врска, каде и како те запроси и од кога живеете заедно?

Веќе 9 години сме заедно, ме запроси за Нова Година 2019-та. Долго време живееме заедно.

Зошто токму Охрид како дестинација за вашата свадба?

Охрид е за мене навистина романтично и свето место, отсекогаш сум сакала да се венчам во Охрид.

На црквата Св. Јован Благослов Канео ѝ се восхитуваме на секоја наша прошетка во Стариот Град, и уште од почеток бевме решени тука да се венчаме.

Кога се случи венчавката и зошто токму на тој ден?

На 28 Август е Успение на Пресвета Богородица или Голема Богородица - значаен христијански празник за нас и женската линија во моето семејство отсекогаш ја славиме Пресвета Богородица.

Колку беше тешка организацијата? Кога започна со подготовките?

Немавме некоја специјална организација, некако спонтано организиравме сè и за многу кус период.

Благодарност до ресторанот Летна Бавча Канео кои се потрудија за мини коктелот после церемонијата и организираа виолина која ја надополни магичната атмосфера. 

Каква венчаница носеше?

Носев романтична нежна венчаница која Ателиер Коцарева ја соши специјално за оваа церемонија, венчаницата е долга три метри и совршено се вклопи во целиот амбиент. 

Нежна шминка и коса сплетена во венец беше мојот избор.

Каков бидермаер имаше?

Бидермаерот како дар од кумата беше направен во мојот минималистичен стил со раскошни бели рози и маслинови гранки, создаден од вештите раце на „Цветна Фабрика”.

Продолжува на следната страна...