Ивет (30) од Скопје: „Син ми имаше 6 месеци, бев без работа и од машината за шиење на мајка ми добив идеја за свој бизнис“

Детали

среда, 15 февруари 2023

„Ја избришав правта од старата машина за шиење на мајка ми и почнав со истражување. Ги познавав основите на шиењето, како функционира машината, некои почетни чекори на кои мајка ми ме научи кога бев многу љубопитно дете. Но, далеку од тоа дека бев подготвена за ваков предизвик...“, ја започнува својата приказна Ивет за CRNOBELO.com, која денес е сопственик на мал бизнис за меки рачно изработени куклички, со француски шарм.

Ивет Царо Илјази (30) од Скопје, по професија дипломиран психолог, работи како Copy и Content Writer, но веќе три години е сопственик на мал бизнис за изработка на кукли.

Нејзиниот бренд „Caroline Handmade“ претставува куклено катче на онлајн просторот, кое презентира рачно кроени кукли.

Ивет ја споделува својата приказна за CRNOBELO.com:

„Секоја кукличка е приказна самата за себе. Куклите се целосно меки и изработени од текстилни материјали – лен, американ, кепер, тул.

Ликовите се везени и цртани. Имаат должина од 35 сантиметри.

Концептот не е нов, впрочем, на таков начин и се изработувале куклите во минатото. Но, Caroline кукличките имаат еден гламурозен допир, што ги прави одличен подарок и украс.

Caroline Handmade започна за мене како потреба за промена. Мојот син имаше само 6 месеци, јас во моментот бев без работа и ми беше потребно на некаков начин да ја искажам својата креативна енергија.

Ја избришав правта од старата машина за шиење и почнав со истражување.

Ги познавав основите на шиењето, како функционира машината, некои почетни чекори на кои мајка ми ме научи кога бев многу љубопитно дете. Но, далеку од тоа дека бев подготвена за ваков предизвик.

Еден месец подоцна, по безброј изгледани видеа, туторијали, го скроив шаблонот за првата Caroline кукла.

Признавам, имав сериозни неуспеси – долги раце, дебели нозе. Таман ќе погодам сѐ во врска со пропорционалноста на телото, ќе направам сериозна утка со косата или ликот, или целосно ќе го згрешам фустанот и сѐ морав да правам одново.

Продолжува на следната страна...