Марија и Магделена, фит близначки од Кочани: „Делиме банкарски сметки, но дечковци никогаш - луѓето не нè распознаваат“

Koja e вашата најголема животна авантура заедно, покрај преселбата во Германија?

Ние обожаваме да патуваме и доста често го правиме тоа, па секое слободно и „неслободно“ време го користиме за патување.

Имаме доста дестинации од повеќе илјади километри, кои траат повеќе месеци, сами двете на пат, што е доста храбро за девојки, поради што патиштата знаат да бидат доста тешки и напорни.

Само оној што тргнал сам на патување знае што значи тоа.

Но, сето тоа се заборава кога ќе ги наполниш очите и душата со сите убавини, архитектура, уметност, разни култури, кои ни ги нуди овој свет.

После секое патување повеќе не си истата личност.

Колку време имате живеено во куфери, селејќи се од едно на друго место? На кои места сте биле и имавте ли незгоди притоа?

Нашето најдолго патување или живот во куфери е два месеци возејќи од едно место до друго.

Посетуваме многу места и градови во различни држави како што се Италија, Франција, Шпанија, Андора, Холандија, Гибралтар (Британска Територија). Претежно даваме акцент на Шпанија.

Незгодите при патување отсекогаш ни дишат во врат. Секогаш нè следат.

Франција, Шпанија знаат да бидат доста ризични кога е во прашање криминалот.

Посебно Шпанија. Таму никогаш не си на чисто што сè може да ти се случи и да ти снема од работите кои си ги понел. Доста пробувале да нè крадат. Некои успеале во тоа, а некои поминале потешко.

Интересни случки имаме милион и не можеме сè да доловиме овде. Тоа се прераскажува со кафе муабет.

Интересно е тоа што кога и да отидеме во Барселона ние сме ограбувани (разбивање автомобил, крадење куфери…).

На едно патување ни се расипа возилото и останавме 5 дена на една бензинска пумпа, додека чекавме да се поправи дефектот.

Но, еве пак потенцираме дека сето тоа се заборава и останува еден сладок спомен, кој во моментот и не е толку пријатен, но на крај нè прави посилни и поискусни личности.

Затоа вреди да излезеш од комфор зоната и да искусиш нешто ново.

За време на преселбите надвор од Македонија работите онлајн или нешто локално во местото во кое одите?

Последните години работиме онлајн и така имаме можност да бидеме флексибилни.

Најдолгата релација која сте ја поминале сами со автомобил? Која е подобар возач?

Нашите патување со возило како што рековме траат доста долго, односно во прашање се 10.000km.

А за подобар возач? Во моментов се искаравме, па да го прескокнеме подобро (ха ха).

Најубавите работи кои ви се случиле досега на патување…

Најубавите работи се тоа што додека шетаме по градовите луѓето доста често нè забележуваат и нè прашуваат дали сме близначки и поради тоа што сме им интересни дека сме исти нè замолуваат да се сликаат со нас.

Навистина премногу убавини има, кои човек не може со зборови и слики да ги пренесе.

Сето тоа само се доживува.

Изгледате навистина фит, какви тренинзи практикувате? Која е помрзелива?

Благодариме на комплимент. Се трудиме да бидеме активни.

Долги години тренираме, учествувавме на повеќе Спартански трки, како и на повеќе полумаратони во различни држави.

И двете сме доста темпераментни така што мрзеливост не постои ни кај едната, ни кај другата.

Продолжува на следната страница...