Лола Милковска студира луксузен менаџмент во Франција: „Запознав директори на Chanel и Dior, професорите не бараат да ги персираме“

Имаше можност да присуствуваш и на неколку саеми за работа, што е она што ти остави најголем впечаток?

Имав можност да присуствувам на неколку саеми каде што запознав многу луѓе. Нa сите од нив беа директори на познатите марки како Chanel, Dior… Имаше многу квалитетни луѓе коишто се директори на традиционални фирми коишто произведуваат квалитетни луксузни работи, но преферираат да не се експонираат толку многу со маркетингот на социјалните мрежи, па затоа и не се толку познати во светот.

Многу добри совети добив од нив, беа расположени да одговорат на секое прашање поставено од публиката, но исто така и да го раскажат патот кој го поминале за да стигнат до таа позиција.

Најголем впечаток од сите што ги запознав е директорот на Audemars Piguet, швајцарска фирма за производство на едни од најпознатите часовници, François - Henry Bennahmias.

Исто така, мора да напоменам дека од регрутерите најдобар впечаток ми остави главната регрутерка во компанијата Ferragamo.

Имам одено на повеќе интервјуа во Македонија и можам да кажам дека е сосема различно во Франција и ми се допаѓа пристапот на изборот на човечки ресурси.

Дижон не е Париз, но сепак постојат многу можности за уживање и забава. Какви можности и активности им претстојат на младите во овој град?

За мене Дижон е романтичен град.

Како и во сите градови имаат убави места за излегување, дискотеки (но, не се мој тип), места за дегустација на вина, убави ресторани и кафулиња, паркови.

Во кој било дел од денот, улиците во Дижон се преполни со народ.

Што е она што Дижон го прави посебен?

Како што веќе напоменав, Дижон е романтичен град, не може да се спореди со Париз во големина, но сепак си има свои вредности.

Фактот што оттука потекнува најубавиот сенф го прави Дижон посебен, исто така пак ќе напоменам, фактот што се наоѓа во Бургундија, го прави да се издвојува од другите градови во Франција.

Мене посебно ми се допаѓа тоа што имам најдено повеќе од 7 пекарници коишто секој ден ме изненадуваат со прекрасните работи што ги изработуваат и ми претставува задоволство, на некој начин хоби, секој ден да испробувам слатки нешта, па и тоа е причината што Дижон го прави посебен, за мене.

Присвои ли некоја навика за себе од францускиот начин на живот?

Присвоив и тоа како, да уживам што повеќе во животот.

За овие неколку месеци каде успеа да прошеташ?

Имам посетено 4 земји, Италија, Белгија, Луксембург и Швајцарија.

На некои места одев првпат, но исто така имаше и места каде што веќе имам одено, но во секој случај си поминувам прекрасно на секое патување, бидејќи тоа ми причинува најголемо задоволство.

© CRNOBELO.com Забрането преземање и копирање. Крадењето на авторски текстови е казниво со закон.

Е. Х. | Црнобело