„Им имам направено силуети на Џенифер Лопез, Мајкл Даглас, Џон Траволта... Сум работела на настани на Vogue, Dior, Tour de France, но ништо не се споредува со свадбата во палата во Индија, каде со слонови ја земаа невестата, се славеше 5 дена и чинеше повеќе од 50 милиони долари“ - вели за CRNOBELO.com Инес, која со својот талент за правење силуети од хартија е ангажирана од најголемите светски брендови.

„Велат дека родното место е она место што никогаш не го напушташ и сосема е точно. Каде и да си, колку и да е поубаво тоа место каде што си, секогаш во мислите ќе ти биде она каде што си се родил и пораснал. И со право секој мисли дека неговиот роден крај е најубав. И јас така викам, моето Слепче е најубаво“, вели за родниот крај Христина Младенов, позната како Христина Пан на Инстаграм.

„Странците ги фасцинира тоа што тука времето тече побавно, има автентичност што ја немаат во модерните европски градови и што сè уште можеш да најдеш домаќин кој ќе те пречека со ракија и пита. Сакаат дури да си купат куќа тука на село за во пензионерските денови“, вели Лиде Стојановска (34) и за CRNOBELO.com споделува какво искуство има со Шпанците, Германците, Французите итн.

„Интересно е тоа што ми бил сосед како дете, но не паметам дека некогаш сум го сретнала. Постара сум пет години и веројатно сме се промашувале генерациски. Јас сум лекар по професија, плус Девица во хороскоп, вкоренета во рационалност и одговорност, а тој е уметник и Риба во хороскоп, човек на интуиција, чувства и бои, кој живее преку своите креации и музиката“, вели доктор Маја Ангелеска Викторијоски (49) и споделува детали за љубовната приказна со Славе Викторијоски (44).

„Внуката Стефанија сега има 26 години и е дипломирана актерка. Се радувам што израсна во одговорна, вредна, грижлива девојка. Имаше тежок период, а јас многу внимавав со неа по загубата на мајка ѝ. Таа живееше под стрес две години, додека ја водевме битката за Ан“, вели Јулија за CRNOBELO.com и со многу емоции зборува за внуката и починатата ќерка. 

„Редовно готвам, кај мене дома има ручек 4-5 пати неделно. Јадам домашна храна и тоа најмногу го сакам - печени компири, боранија, грашок, леќа, обожавам свежи салати и јадам по неколку во денот. Знам и да се прејадам до ‘едвај дишам’, но кога храната не е претешка, не е ни страшно“, вели Миа и ни ги откри и своите рутини за нега и убавина, и тајната на стилот.

„Ја запознав на свадба кај мој близок пријател кој живее во Виена. Седевме на иста маса. Но тогаш не започна нашата врска - во тоа време имавме и двајцата партнери, бевме зафатени. Вистинската комуникација почна за време на короната. Таа нè додаде мене и Мартин на Инстаграм и тогаш јас го прашав брат ми дали е таа девојката од свадбата“ - вели Стефан од Некст тајм за љубовта со Тинеа, со која се венча пред неполн месец.

„За викенд имаме и преку 200 гости кои чекаат во лобито на хотелот за да се качат на 47. кат во руфтоп барот и да уживаат во погледот. Чекањето може да трае и до два часа, што е голем предизвик поради ограничениот капацитет од 199 гости“, вели Александар за CRNOBELO.com, кој е опративен менаџер, т.е трет човек во nhow хотелот во Франкфурт.

„Јас сум јас кога сум во патики или со некои ниски чевли, некое лелеаво фустанче преку лето и многу малку шминка - руменило и маскара, толку“ - вели за CRNOBELO.com новинарката Цеце Тодосовка и ни ги откри тајните на својот стил, нега, убавина и здравите навики.

„Првото прашање по дијагнозата што ми се моташе во глава беше што ќе прави Доротеа, мојата ќерка без мене, за која се грижам само јас. Тогаш таа имаше само 9 години, но ми го даде најголемиот мотив со зборовите ‘Ти си појака од ракот мама, ќе го решиш’, вели Елизабета Ристовска (43) од Скопје.

„Уште од мали нозе сум чувствувала силна поврзаност со грижата за здравјето на жената и со поддршката што ѝ е потреба во најинтимните и најсвети моменти како бременост, раѓање и мајчинство“, вели Драгана Серчевска од Куманово и вели дека токму затоа одлучила да специјализира гинекологија и акушерство.

„Во моментот кога нашите светови се допреа, почнаа да се откриваат многу сличности. Иста генерација, иста гимназија, исти професори, истата страст кон патувања... Се запознавме во зрели години, можеби затоа траеме, еве веќе една деценија“, вели Марина Дојчиновска за љубовта со хармоникашот Горан Алачаки.

„Кога влегов во локомотивата на првиот работен ден, првото чувство ми беше нервоза, како на прв дејт да сум. А потоа ми се насолзија очите од што ми беше невистинито“, вели Зорица од Гевгелија, која е првата жена која вози возови кај нас.

„Сите се многу природни и спонтани со мене додека ги шминкам. Привилегија ми е да се дружам со нив и приватно. На Антониа Гиговска ѝ бев и на свадба, а следно ќе ја шминкам за невеста Дани Димитровска и ќе бидам почестена како гостинка на нејзината свадба“, вели Мери Бајрамовска, која ги разубавува ѕвездите кога доаѓаат во Охрид.

„Америка не ме пушта да си заминам засекогаш во Македонија, зашто таму ми се децата, внучињата, правнучињата ми се таму. Имам 4 внучиња и веќе три правнучиња“, вели Аница (71) која родителите во далечната 1970-та година ја испратиле да живее кај вујко ѝ, во потрага по подобар живот. 

„Таткото на мојата ќерка јасно изрази дека сака да се разделиме и почнав да се подготвувам за живот сама со моето дете. Требаше да се отселиме до април, но војната во Украина се случи во февруари 2022 и заминавме за Македонија. Немавме свој дом тука, првично бевме сместени кај моите родители. Првите шест месеци татко ѝ не се ни јавуваше на телефон – едноставно, не беше присутен. И тогаш, не по избор, туку од реалноста – почна моето родителство како самохрана мајка“ - раскажува за CRNOBELO.com Мери Амбросова, која ги истакнува предизвиците на самохраното родителство, но и како успева да биде најдобра за ќерка си. 

„Моите родители потекнуваат од мали села околу Струмица. Секогаш бев тажен кога требаше да си заминам од Македонија. Не сум дошол одамна, но се сеќавам често на куќата што ја изградил мојот татко - таму се чувствував како да откривам дел од себе“, вели Боби Андонов за CRNOBELO.com, кој денес живее во Лос Анџелес.

„Даниел го видов првпат, како и повеќето луѓе од Србија, на телевизија, во 2014 година, кога се натпреваруваше во шоуто „X Фактор“. Бев воодушевена од целата негова појава. Го следев и навивав за него цело време и мислев колку би било убаво некогаш да го запознаам“, вели доктор Марина Кајмакоска (35) од Ранилуг, Косово и за CRNOBELO.com ја споделува љубовната приказна со Даниел Кајмакоски.