Николија искрена за естетските корекции: „Се каам што ги оперирав градите, а усните ми се деформираа од имплантите“

Детали

понеделник, 24 април 2023

„Честопати се прашувате дали сум направила една или сто и една естетска корекција, па одлучив да бидам искрена со вас и да ви откријам за што се каам, а за што не“ - со овие зборови српската пејачка Николија Јовановиќ ги започнува своите видеа на ТикТок, каде зборува за своите искуства со естетските корекции.

Николија Јовановиќ, како ќерка на српската фолк пејачка Весна Змијанац, израсна пред очите на јавноста, а во последно време привлекува внимание со својата музичка кариера, но и со бракот со Реља Поповиќ.

За неа честопати се коментира за тоа колку естетски операции направила, па пејачката одлучи да биде во целост искрена и да открие што коригирала на себеси и за што се кае, а за што не.

Таа објави подолго видео на ТикТок, кадешто отворено зборува за тоа што променила кај себеси, а во описот ги замоли луѓето да се воздржат од коментари за тоа дали е убава или грда, затоа што тоа не е темата на видеото.

„Сакам да откријам за што се каам, а за што не. Прво нешто што коригирав, беа градите. Имав многу голем комплекс затоа што бев рамна како штица. Таа операција во 20-тите години направи да се чувствувам убаво во сопственото тело.

Но, сега во 30-тите никогаш не би вградила силикони, и, да можам да го вратам времето, никогаш не би ја направила таа операција, затоа што мислам дека природните гради се најубави и дека имплантите се непотребни.

Мене лично малите гради поубаво ми изгледаат од поголемите и мислам дека во овие години би имала многу самодоверба и да ми останеа градите какви што ми беа. Поправката би можела да остави голем број лузни, затоа можам да кажам дека се каам за тоа“ – вели Николија.

Освен што вградила силикони на градите, Николија призна дека додека била многу млада, вградила импланти и на усните, а исто така имала и операција на носот.

Како што рече, операцијата на носот морала да ја направи затоа што имала девијација, а не затоа што сакала да направи естетска корекција, додека за операцијата на усните, вели дека се кае.

„Втората глупост што ја направив и за среќа ја поправив колку што можев, беа усните. Како девојче, заради некоја глупава мода, во своите преубави усни ставив метакрил.

Тој со текот на времето се изобличи и изгледав како патка. Минатата година имав хируршка интервенција за да го извадам целиот вештачки материјал од усните и сега тие се речиси природни, како што беа“.

Пејачката откри дека во моментов има трајна шминка на усните, а се кае и за тоа што уште во средно образование си ги уништила веѓите со кубење, па сега ѝ е направено трајно исцртување на веѓи.

Прочитајте и Пред Реља била во врска со кошаркар од Нигерија, си го смени личниот опис со операции – Животната приказна на Николија Јовановиќ

Погледнете го во продолжение видеото на Николија:

https://www.tiktok.com/@nikolijaofficial/video/7224041384007781638?is_from_webapp=1&sender_device=pc&web_id=7106495311258060294

 Б. С. Б. | Црнобело