Цеца и Јелена Ѓоковиќ со обетки од 11.000 евра - Српските ѕвезди не штедат за накит

Детали

понеделник, 08 мај 2023

Што им е заедничко на Јелена Ѓоковиќ, Цеца Ражнатовиќ, актерката Мирка Васиљевиќ и Џина Џиновиќ? Овие дами не штедат на накит и поседуваат обетки од познат бренд кои чинат и над 11.000 евра.

Дамите од српската јавна сцена често го привлекуваат вниманието со својот изглед – со облеката и чантите, со шминката и фризурата, но и со накитот што го носат.

И додека едни носат копии на познати брендови, други трошат вистинско богатство за накит и гардероба.

Меѓу оние што не штедат на накит, а се заљубени во парчињата на брендот „Van Cleef Arpels“, се Цеца Ражнатовиќ, Јелена Ѓоковиќ, Џина - ќерката на пејачот Харис Џиновиќ и актерката Мирка Васиљевиќ.

Овој накит е препознатлив по формата (дизајнот е во вид на детелина со четири листа), но и по вртоглавата цена која варира зависно од материјалот од кој се изработени парчињата (злато или сребро) и дали се украсени со дијаманти или обични камчиња.

Кои српски дами носат парчиња од овој познат бренд?

Цеца носеше обетки од 11.000 евра и ланче од околу 4.000 евра од познатиот бренд кога отиде во болница во Белград за да го види штотуку родениот внук Крстан.

Слични обетки носеше и Мирка Васиљевиќ, која е најпозната по улогата во филмот „Mi nismo andjeli“.

Таа избра скапоцени обетки од овој бренд за снимање на новогодишната програма за 2023 година на РТС. Таа е и меѓу првите дами од српската сцена кои платија огромна сума за овој накит, пишува „24 sedam“.

Накит од популарниот бренд има и инфлуенсерката Џина Џиновиќ, ќерка на популарниот пејач Харис Џиновиќ - таа носи обетки од 10.500 евра.

Јелена Ѓоковиќ, која е позната по својот минималистички и ненападен стил, на еден од натпреварите на Новак носеше обетки од познатиот бренд, во комбинација со бела блуза.

Јелена поседува неколку пара обетки од овој бренд.

А. Ј. | Црнобело