Цеца за бременоста на Анастасија, но и за уште една принова во семејството: „Вељко сака ќерка“

Детали

сабота, 13 мај 2023

Српската фолк дива Цеца Ражнатовиќ, за српските медиуми даде изјава во која откри дека наскоро може да се очекуваат уште дечиња во нивното семејство. Таа синоќа се појави на една модна ревија во Белград, каде зборуваше и за тоа како се чувствува нејзината ќерка Анастасија во бременоста.

Оние што редовно го следат нејзиното реално шоу „Цеца и деца“ знаат дека пејачката сосема отворено зборува за сите случувања во нејзиното семејство.

Се знае дека Анастасија е во петтиот месец од бременоста и дека таа нејзиниот партнер Немања Гудељ очекуваат ќерка, а дел од српските медиуми пишуваат дека планираат да се венчаат во свечена церемонија во Севиља, каде што живеат, а дека следната година најверојатно ќе направат и голема традиционална свадба во Србија.

Цеца во својата изјава за медиумите, не ја криеше радоста дека наскоро ќе има уште една принова во семејството, па рече:

„Го чекам третото внуче. По вториот внук Крстан, ја чекаме принцезата на Анастасија и Немања и многу се радуваме. Жељко ни дојде прв. Не постои нешто поубаво во едно семејство од тоа да се раѓаат деца“ – рече таа.

Цеца откри дека внукот од синот Вељко, Жељко одлично го прифатил новото братче, што се роди во април годинава, а сите во семејството се радуваат што наскоро ќе имаат и едно девојче.

Откри дека Вељко и неговата сопруга, Богдана, планираат да имаат уште деца, а се надеваат дека по два сина конечно ќе добијат и ќерка.

„Го прашав Вељко дали сака трето дете кога Крстан ќе зајакне и што би сакал да добие, а тој ми рече ќерка“ - откри Цеца.

Б. С. Б. | Црнобело/ фото: Инстаграм