Николина Пишек искрена за животот како вдовица: „Добивам закани, најблиските сакаат да ѝ наштетат на ќерка ми“
- Детали
- понеделник, 05 јуни 2023
„Добивав голем број пораки во инбокс каде ме осудуваа, па дури и ми се закануваа. Ми зборуваа многу неубави работи и го осудуваа тоа што сакав да продолжам со животот“ – Николина Пишек искрено зборува за животот како вдовица и самохрана мајка, а открива дека семејството на нејзиниот покоен сопруг целосно се откажало од нивната заедничка ќерка.
Хрватската водителка Николина Пишек даде искрено интервју за хрватските медиуми во кое отворено говори за тешкотиите со кои се соочува како самохрана мајка, но и како вдовица на Видоје Ристовиќ.
Нејзиниот сопруг почина пред една година, а Николина во моментов води легална битка, со која се обидува да го заштити сопствениот имот и дa обезбеди егзистенција за нивната 8-годишна ќерка Уна Софија.
Николина вели дека најмногу проблеми има затоа што по смртта на сопругот таа продолжува да работи како водителка и постојано е на малите екрани, а според „балканските норми“ се очекува таа да се повлече и да го чува приватниот живот подалеку од очите на јавноста.
„Мене ме осудуваа поради тоа што работам, а јас не можев да си дозволам нешто друго и добро е што не го направив тоа, затоа што веројатно тогаш би се загубила себеси и својот здрав разум.
Добивав голем број пораки во инбокс каде ме осудуваа, па дури и ми се закануваа. Ми зборуваа многу неубави работи, што сега не би сакала да ги изговорам, а со нив го осудуваа тоа што сакав да продолжам со животот.
Притоа, никој не зема предвид дека јас имам дете и дека сум одговорна за неа и дека морам да ја изведам на вистински пат, дека тоа дете мора нешто да јаде, дека мораме да живееме ако сакам да опстанеме“ – вели Николина за Zagreb.info.
По медиумската хајка што се водеше во Србија против неа, Николина вели дека денес никој од семејството на нејзиниот покоен сопруг не прашува за тоа како е нивната ќерка Уна Софија.
„Никој не прашува за неа. Кога ќе кажам никој, навистина мислам апсолутно никој и тоа е тажно.
Се обидувам да си објаснам дека никој не е должен да се занимава со неа, затоа што јас сум ѝ мајка и дека јас би требало да ја заштитам. Но, мене ми е контрадикторно тоа што сакаат да ѝ наштетат.
Со оглед на тоа што сите сакаат да се наметнат и да добијат материјална корист, тие сакаат да ѝ наштетат на мојата ќерка и да нѐ попречат да водиме нормален живот“ – вели таа.
Николина пред себе има долга легална битка, а вели дека очекува процесот да трае со години.
Освен што е во конфликт со таткото на нејзиниот сопруг, Виктор Ристовиќ, таа е во конфликт и со неговата прва сопруга Лана која бара дел од наследството.
Б. С. Б. | Црнобело
Би можело да ве интересира:
Препорачуваме
Најчитани неделава
