„И покрај големата трагедија, собра сили да биде до саканиот“ – Немања Гудељ сподели новa емотивна фотка од Анастасија

Детали

вторник, 06 јуни 2023

Српскиот фудбалер Немања Гудељ минатата недела ги објави тажните вести дека тој и Анастасија го загубиле бебето во бременоста, а сега редовно споделува фотографии со кои покажува дека неговата партнерка и покрај тоа што претрпе голема загуба, сепак била до него во најважните мигови.

Само неколку дена по загубата на бебето, Немања Гудељ со својот клуб Севиља го играше финалниот натпревар од Лига Европа, а победата ја посвети на прерано загубената ќеркичка.

По загубата на бебето, Анастасија се повлече од јавноста и го избриша својот профил на Инстаграм, а многумина коментираа на социјалните мрежи дека загубата на бебето ќе значи и крај за врската за младиот пар кој привлекува големо внимание кај српската и балканската јавност.

Но, Немања постојано објавува нови фотографии со кои сака да покаже дека неговата партнерка била со него во најважните мигови од неговиот живот.

Така, пред неколку дена објави фотографии на кои се гледа дека во моментот откако го земал пехарот, до него биле членовите на неговото семејство, но и Анастасија која позира со нив без грам шминка.

Овие фотографии предизвикаа голем број коментари, а многумина упатија поздрав до Анастасија која, и покрај големата семејна трагедија, застана до својот партнер:

„Без разлика на тоа што мислам за останатите членови на семејството (Ражнатовиќ). Поддршка за жената што по најголемата трагедија во својот живот најде сила и имаше желба да биде до својот маж и неговиот голем професионален успех“;

„Преубаво е да ве видиме сите заедно. Браво за сите вас. Браво Немања... најмногу љубов за Анастасија“ – стои во дел од коментарите.

Инаку, дел од српските медиуми информираа дека Анастасија од Будимпешта заминала сама во Белград, за да се одмори во семејниот дом на Дедиње.

Додека некои луѓе во коментарите пишуваат дека ваквата одлука на парот да се раздели ќе значи крај на нивната врска, Немања сподели уште една фотка со која покажа дека нивната љубов е вистинска и може да победи сѐ.

На Инстаграм Стори тој објави фотографија на која ја бакнува својата сакана на главата, а таа во раце го држи пехарот што тој го освои минатата недела.

Б. С. Б. | Црнобело