Никола Јокиќ има богатство од 50 милиони долари - на што ги троши парите?

Детали

среда, 14 јуни 2023

Најдобриот српски кошаркар во моментов и една од најголемите NBA ѕвезди, Никола Јокиќ, се проценува дека има богатство од 50 милиони долари. Иако купува коњи и брзи автомобили, тој сепак не се расфрла со парите и живее скромно за ѕвезда од негов ранг.

Српскиот репрезентативец и еден од најдобрите NBA играчи во моментов, Никола Јокиќ, на почетокот на сезоната 2022/23 потпиша петгодишен договор со Denver Nuggets, во висина од 264 милиони долари. Овој договор, но и шампионската титула значително ќе го зголемат неговото богатство.

И покрај тоа, популарниот кошаркар важи за скромно момче кое не се расфрла со пари.

На што ги троши Јокиќ милионите што ги заработува?

Никола Јокиќ од дете сакал да биде џокеј, но детскиот сон не можел да си го исполни поради неговата висина и тежина, кои не одговараат за оваа професија.

Откако почна да заработува милиони, Јокиќ купува и коњи. Досега поседува шест, а планира да купи уште еден наскоро.

„Без разлика дали ќе победиме или изгубиме во финалето на NBA, ќе си купам нов коњ“, рече Јокиќ неодамна.

Познатиот кошаркар има и импресивен возен парк.

Никола во својот возен парк има Lamborghini Aventador S., Mercedes-Benz AMG G 63 Brabus 800 SUV, Porsche Panamera 4S, GMC Yukon Denail, Lamborghini Huracan и Lamborghini Urus.

Јокиќ, кој е познат по тоа што не сака претерано големи работи, живее во нормална куќа, која се смета дека е скромна за стандардите на ѕвезда од негов калибар.

Според американските медиуми, куќата на Јокиќ во Денвер се проценува на околу 2,4 милиони долари.

Кога се преселил во Америка, Никола живеел во стан кој го делел со своите браќа Страхиња и Немања, а подоцна во станот со нив се преселила и неговата сопруга Наталија, која му била девојка во тоа време.

Кошаркарот гради и куќа во родниот Сомбор.

фото: Strange buildings

Јокиќ заработува по околу 750.000 евра годишно од спонзорски договори.

Тој има договор со Nike, Western Union и Panini.

Прочитајте и Никола Јокиќ, скромното момче од Србија кое стана најголема NBA ѕвезда, но семејството му е на прво место (фото+видео)

А. Ј. | Црнобело