Данијела Димитровска си фати 6 години помлад дечко, откако Огњен почна јавно да се појавува со Мина – Кој ѝ е новиот партнер?

Детали

сабота, 17 јуни 2023

Една година по разводот со Огњен Амиџиќ, манекенката Данијела Димитровска, има нов дечко. Откако Огњен откри дека е во врска со 20 години помладата колешка Мина Наумовиќ, сега и Данијела првпат се појави во јавноста со Јеврем Косниќ. Кој е новиот дечко на сексапилната манекенка со македонско потекло?

Манекенката Данијела Димитровска и водителот Огњен Амиџиќ една година по разводот и понатаму се тема на муабет во српските медиуми. Нивните животи ја интригираaт јавноста, па интензивно се пишува за нивните нови партнери и љубовни врски.

Откако Огњен откри дека е во врска со 20 години помладата колешка Мина Наумовиќ, сега и Данијела првпат се појави во јавноста со Јеврем Косниќ и објави заедничко видео на Инстаграм. За Јеврем српските медиуми тврдат дека е новaта љубов на убавата манекенка со македонско потекло.

Кој е новиот дечко на Данијела Димитровска?

Јеврем Косниќ е шест години помлад од Данијела.

Роден е во 1993 година во Сент Гален, Швајцарија.

Тој е поранешен фудбалер. На почетокот на кариерата играл за „Црвена ѕвезда“, а подоцна и во „Рад“ и „Бежанија“. Играл и за италијанскиот клуб Reggiana, а потоа се вратил во Србија, во „Војводина“, но тука останал само една сезона.

Подоцна играл и за романскиот клуб Cluj, a кариерата ја завршил во Италија во 2020 година, во клубот Taranto.

Од фудбалот заработил околу 3 милиони евра, но се откажал од спортската кариера за да се вклучи во семејниот приватен бизнис.

Јеврем потекнува од богато семејство. Неговиот татко е успешен бизнисмен кој со години се занимава со градежништво.

Неговата сестра, пак, е иконописец и слика икони во цркви и манастири. Токму таа ги запознала манекенката и поранешниот фудбалер, тврдат медиумите.

Според пишувањата, Данијела и Јеврем се заедно околу 6 месеци. Тој, наводно, имал долга врска која завршила лошо, па бил разочаран од љубовта кога ја запознал Димитровска.

„Данијела во тоа време беше вознемирена и потресена од разводот со Огњен, а Јеврем штотуку раскина со девојката, па имаа многу заеднички теми. И благодарение на тие разговори се зближија, а таа полесно го надмина разводот“, пишуваат српските медиуми и се повикуваат на анонимен извор близок на Јеврем.

Тие досега не потврдија дека се во врска, но Данијела неодамна објави видео на кое седат еден покрај друг на концерт во Будва.

Од друга страна, Огњен не крие дека е во врска со сексапилната Мина, која е 20 години помлада од него. Мина му е колешка во „Амиџи шоу“, каде од септември 2022 година ја има својата рубрика „Пази мина“.

„Да, точно е. Ние сме во врска, но се договоривме нашата приватност да ја сочуваме за себе и да не зборуваме за тоа“ – рече Огњен.

Тие неодамна беа заедно на патување во Турција, а веќе почнаа да споделуваат и заеднички фотки на социјалните мрежи.

За потсетување, Данијела и Огњен се разведоа по 10 години брак и го имаат синот Матија.

Прочитајте и Огњен Амиџиќ со девојката беше на патување во Истанбул - бившата сопруга со синот во Дизниленд

A. J. | Црнобело / фото: Инстаграм