Се ожени бившиот на Анастасија Ражнатовиќ - Ѓорѓе Кулиќ направи интимна свадба со 22-годишната девојка

Детали

петок, 16 јуни 2023

Бившиот дечко на Анастасија Ражнатовиќ, бизнисменот Ѓорѓе Кулиќ, се ожени со 22-годишната Мила Радојевиќ, една и пол година откако раскина со ќерката на Цеца.

Бизнисменот Ѓорѓе Кулиќ на 15 јуни се ожени со Мила Радојевиќ, една и пол година откако ја раскина петгодишната врска со Анастасија Ражнатовиќ. Тие направија интимна свадба во кругот на најблиските роднини и пријатели.

Според српските медиуми, Ѓорѓе и Мила не сакале јавноста да дознае за нивната свадба, но таткото на невестата, Слободан Радојевиќ, објави нивна фотка на Инстаграм.

Мила носи кратка бела венчаница со панделка на стомакот, а Ѓорѓе е облечен во елегантен тегет костум со бела кошула, без вратоврска.

За Мила не се знае многу во јавноста, освен дека неодамна наполни 22 години и дека има постара сестра, Николија, која е пејачка.

Парот во мај 2023 објави дека чека бебе и на забава за откривање на полот, која се одржа на јахта, Мила и Ѓорѓе дознаа дека ќе добијат ќерка.

 

Тие се во врска повеќе од една година и во овој период често патуваа заедно.

Ѓорѓе и Мила еден период живееја во Црна Гора, а потоа заедно се преселија во Чикаго, каде што тој има свој бизнис со транспорт.

Ѓорѓе во САД со уште неколку пријатели купил еден камион, а денес имаат своја компанија со над 100 камиони.

Ѓорѓе во последните години живее на релација САД – Србија, па според медиумите, токму оддалеченоста била причина за разделбата со Анастасија.

Анастасија и Ѓорѓе беа заедно 5 години, и додека сите очекуваа дека наскоро ќе стапат во брак, парот се раздели и секој тргна по својот пат.

Анастасија по раскинувањето со Ѓорѓе почна врска со фудбалерот Немања Гудељ, а Ѓорѓе со Мила Радојевиќ.

Инаку, Мила Радојевиќ е сестра на српската пејачка Николија Радојевиќ, а таа и Анастасија во една пригода заедно биле во Дубаи каде се зближиле и станале блиски пријателки.

Прочитајте и Бившиот на Анастасија Ражнатовиќ, Ѓорѓе Кулиќ, објави дека чека ќерка - ќе добие принова во исто време со пејачката

А. Ј. | Црнобело