Бившиот на Анастасија Ражнатовиќ, Ѓорѓе Кулиќ, објави дека чека ќерка - ќе добие принова во исто време со пејачката
- Детали
- среда, 24 мај 2023
Ѓорѓе Кулиќ во САД прво купил еден камион, а денес има своја компанија со над 100 камиони и живее на релација САД – Србија. Поранешниот дечко на Анастасија Ражнатовиќ, со кого таа беше 5 години во врска, откри дека очекува ќерка со неговата девојка Мила Радојевиќ, со која живее заедно во Чикаго.
фото: Telegraf.rs
Додека балканската јавност беше изненадена од веста за бременоста на Анастасија Ражнатовиќ, и нејзиниот поранешен дечко Ѓорѓе Кулиќ сподели убави вести. Тој наскоро ќе стане татко на девојче со неговата девојка Мила Радојевиќ.
Речиси во исто време кога Анастасија објави дека е бремена и дека очекува девојче, истото го направи и нејзиниот поранешен дечко Ѓорѓе Кулиќ, кој на социјалните мрежи објави видео од откривањето на полот на бебето.
Иако Инстаграм профилите на Ѓорѓе и на Мила се приватни, сепак српските медиуми објавија фотографии од откривањето на полот на јахта во Црна Гора, а според бојата на чадот се гледа дека и тие двајцата, како Анастасија и Немања, очекуваат девојче.
Ѓорѓе и Мила еден период живееја во Црна Гора, а потоа заедно се преселија во Чикаго, каде што тој има свој бизнис со транспорт.
Според дел од српските медиуми, Ѓорѓе во САД заедно со уште неколку пријатели купиле еден камион, а потоа кога виделе дека од тој бизнис можат убаво да заработуваат вложиле и денес во своја сопственост имаат над 100 камиони кои работат со полна пареа.
Ѓорѓе во последните неколку години живее на релација САД – Србија, а како причина за разделбата со Анастасија ја наведоа постојаната оддалеченост.
Тие беа заедно 5 години и додека сите очекуваа дека наскоро ќе стапат во брак, парот се раздели, а потоа секој тргна по својот пат.
Анастасија ја започна врската со фудбалерот Немања Гудељ, а Ѓорѓе со Мила Радојевиќ.
Инаку, Мила Радојевиќ е сестра на српската пејачка Николија Радојевиќ, а таа и Анастасија во една пригода заедно биле во Дубаи каде се зближиле и станале блиски пријателки.
Николија и Мила Радојевиќ
Прочитајте и Цеца беше згрозена од нејзиното однесување на 14 години, спортистите ѝ беа слабост - Бурното љубовно минато на Анастасија Ражнатовиќ
Б. С. Б. | Црнобело
Би можело да ве интересира:
Препорачуваме
Најчитани неделава
