Гест за почит! Градската плажа во Саранда обезбеди бесплатни чадори за сонце за туристите

Детали

среда, 12 јули 2023

Браво за властите во Саранда! „Во медиумите се појави иницијатива и другите туристички места да го следат примерот на Саранда со бесплатните чадори, а има и информација дека во ова место ќе почнат да се делат и бесплатни лежалки“, велат туристите кои се на летување во Албанија.

Саранда, едно од најпознатите летувалишта во Албанија, ја опреми градската плажа со бесплатни чадори за сонце за туристите.

Меѓу сите лежалки и чадори за сонце кои се наплаќаат, сега постои можност туристите да користат и бесплатни чадори, кои се поставени на средината на централната плажа.

Информацијата за бесплатните чадори за сонце ја споделија и туристи на Фејсбук групата „Летување во Албанија“. Тие објавија фотографии од плажата полна со туристи.

„Градот Саранда, на градската плажа (која е бесплатна) обезбеди бесплатни чадори за сонце. Тоа се овие во окер боја. Браво Саранда!“, пишува во објавата.

Ова предизвика бројни позитивни реакции на социјалните мрежи, па оние што веќе биле на Саранда велат дека тоа е туристичко место со прекрасни плажи и убаво зајдисонце.

„Во медиумите се појави иницијатива и другите туристички места да го следат примерот на Саранда. А има и информација дека почнуваат да се делат и бесплатни лежалки“, стои во коментарите.

Саранда е едно од најпопуларните летувалишта во Албанија, заедно со Ксамил и Валона, а го посетуваат и многу туристи од Македонија.

А. Ј. | Црнобело / фото: Фејсбук