Сестрата на Наташа Беквалац со смела фотка од плажа: „Се помислив дали на 40 години треба да објавам фотка во бикини“

Детали

петок, 30 јануари 2026

Откако Кристина Беквалац објави провокативна фотка од плажа со долга мотивациска порака за жените, нејзината сестра Наташа ги насмеа сите со коментарот: „Баш убаво напиша, но јас би го поедноставила тоа - те боли **р“.

Модната дизајнерка Кристина Беквалац и нејзината сестра, пејачката Наташа Беквалац се на одмор на Тајланд, заедно со двете деца на Кристина.

Оттаму сестрите споделуваат фотки и видеа, како и интересни моменти кои ги доживеале на патувањето.

Но, со последната објава на Инстаграм, на која е клекната во плиткото со раширени нозе и во црно бикини, Кристина испрати моќна порака до жените кои си ја ускратуваат радоста, слободата, уживањето, но и самодовербата откако ќе наполнат 40 години, а сè поради коментарите од околината.

Поттикната од разговор со близок пријател, маж, таа сподели провокативна фотка, па напиша:

„Пред да ја објавам оваа фотографија, за момент размислував дали е соодветна, бидејќи за еден месец полнам 41 година, а сум во костум за капење и имам две големи деца.

Но, само за момент, и тоа само затоа што имав болен разговор на таа тема со машка личност која ми е важна.

Се фатив себеси како застанувам. Не поради сликата, туку поради прашањето што само по себе се појави: Дали е ова соодветно за моите години?

И тоа ме заинтригира повеќе од самата фотографија. Затоа што никогаш не помислив дека на 41 година, престанува правото на леснотија, на тело, на лето.

Но некаде по патот, преку туѓите коментари, ставови, непишаните правила, почнуваме да се преиспитуваме себеси.

Не затоа што не сакаме - туку затоа што сме научени да проверуваме дали „смееме“.

Сфатив дека прашањето нема никаква врска со костимот за капење.

Има врска со тоа колку често жените почнуваат да се повлекуваат, да се смалуваат, да стануваат повнимателни кон сопствената радост.

Како возраста да треба да донесе тишина, а не слобода.

Ова е мал потсетник за мене - да не заборавам колку време ми требаше да се чувствувам добро во сопствената кожа.

И да не го доведувам тоа во прашање сега, кога точно знам која сум.

Нè сакам жени!

П.С. Ја прашав и мојата Пека дали е во ред и таа ми рече: „Мамо, дали си нормална, објави ја веднаш“.

Иако доби бројни пораки на поддршка, сепак, коментарот на сестра ѝ Наташа ги насмеа сите.

„Преубаво напиша Кико, но јас би го поедноставила тоа... Опушти се и те боли к*р, ха, ха“.

А. Ј. | Црнобело