Првата девојка го изневери со колега, игра со Рајан Рејнолдс во Deadpoоl – Што знаеме за Стефан Капичиќ, српскиот актер со холивудска кариера?

Заради кариерата често патува на релација Србија – САД, па така во 2015-та година имаше можност да ја толкува улогата на неговиот татко Драган Капичиќ во филмот „Bićemo prvaci sveta“,  а во 2016-та ја толкуваше улогата на Колосус во хит филмот Deadpool со Рајан Рејнолдс.

Освен со својата кариера, Капичиќ во српските медиуми привлекуваше внимание и со својот приватен живот. Тој седум години беше во врска со хрватската манекенка Миранда Виѓак, со која почна да живее заедно, па дури и планираа брак.

Но, откако почнаа да се објавуваат написи дека Миранда го изневерила со неговиот колега Иван Херцог, Стефан одлучил да стави крај на врската.

Во 2014-та година, за време на снимањето на филмот „Zora dubrovačka“ се запознал со хрватската актерка и манекенка Ивана Хорват, која е 10 години помлада од него, а по околу година и пол врска парот се вери.

Тие двајца се венчаа во 2017-та година во интимна церемонија во Лос Анџелес, а во 2020-та година го добија синот Иван. 

Стефан и Ивана деновиве го очекуваат своето второ дете, а убавите вести ги соопштија на социјалните мрежи, така што објавија повеќе фотки на кои убавата актерка позира со трудничкиот стомак.

Б. С. Б. | Црнобело