Арбнора Елези: Инспиративна жена со ретка болест, родена во Македонија - коските лесно ѝ се кршат и деформираат
- Детали
- сабота, 26 август 2023
Бременоста ѝ била ризична. Избегала во Германија затоа што на овие простори повеќе немало доктори за нејзината здравствена состојба. Иако таа е во инвалидска количка, нејзината ќерка е целосно здрава и оди во градинка. Оваа девојка е реален пример дека невозможното е можно и само небото е граница.
28-годишната Арбнора Елези живее со тешка дијагноза Osteogenesis imperfecta, односно болест на кршливи коски.
Родена е во Македонија, но кога била многу мала, со семејството се преселила во Хрватска. Семејството Шахини најпрвин живеело во Ораховица, а по неколку години се преселило во Сухополе, а Арбнора учела гимназија во Вировитица.
Но, причината за преселбата од Македонија во Вировитско-подравинската жупанија не била воопшто пријатна.
Со својата болест се соочува уште од самото раѓање. Станува збор за генетска и неизлечива болест кај која поради нарушена рамнотежа на колаген, коските лесно пукаат и се деформираат.
Уште додека била дете имала над 200 скршеници на рацете и нозење. Поради својата дијагноза користи инвалидска количка, не може да се движи, има деформирани коски, сколиоза и слаби заби.
Понекогаш трпи силни болки во коските и многу бавно закрепнува после секоја скршеница.
Иако живее со сериозна болест, одлучила секогаш да биде позитивна и секој проблем да го претвора во предизвик.
Таа пишува книги, води социјални мрежи преку кои прикажува како изгледа нејзиниот живот. На Фејсбук ја следат над 60.000 корисници, а на Инстаграм 22.000. Од неодамна започна да снима видеа и на ТикТок.
За својата приказна зборува јавно на социјалните мрежи со надеж дека ќе ги сруши предрасудите и дискриминацијата.
Од Хрватска морала да се пресели, затоа што единствениот доктор кој бил стручен за нејзината дијагноза отишол во пензија и повеќе немало ни кој да ја прегледува, да ја лечи ниту води како пациент.
Со нејзиниот сопруг, кој на шега го нарекува „киднапираниот Наим“, се запознале преку апликација за запознавање.
На почетокот не сакала да му каже за нејзината дијагноза за да не ја сожалува или да не ја одбие. Откако собрала храброст и му соопштила, добила впечаток дека ја избегнува, па одлучила да го блокира.
Но, на Наим никогаш не му пречела нејзината состојба и дошол дури до болница во Загреб кога таа имала закажано преглед за да се сретнат. Така започнува нивната љубовна приказна.
Пред две години овој пар доби најубав животен подарок - дете. Се роди нивната ќерка Наиа.
Како што раскажа Арбнора на социјалните мрежи, бременоста ѝ била ризична, но течела уредно, а таа се породила со царски рез. По породувањето докторот ѝ рекол дека никогаш во неговата кариера не видел жена со нејзина дијагноза до крај да ја износи бременоста.
Освен тоа, можноста и Наиа да ја наследи нејзината болест биле 50/50, а тоа можеле да го дознаат само по нејзиното раѓање. Заедно со сопругот биле истрајни и без оглед на сѐ, го сакале тоа дете.
По бременоста, здравјето на Арбнора се влошило. Шипките кои ги имала на колковите се разлабавиле и морала итно да ги вади.
И покрај сите предизвици кои ѝ ги дава животот, Арбнора секогаш излегува како победник.
@arbnoraelezi25 #foryoupage #fyp #balkan #zivotunjemackoj #trend
♬ original sound - Arbnora Elezi
Се грижи за Наиа, за домот и за сопругот, за кој на шега вели дека е како едно големо дете.
За себе вели дека е една среќна, исполнета и силна жена, која никогаш не се откажува.
@arbnoraelezi25 #fyp #zivotunjemackoj #balkan #foryoupage #trend
♬ original sound - Arbnora Elezi
Повеќе фотки од Арбнора на следната страница...
Би можело да ве интересира:
Препорачуваме
Најчитани неделава
