Србинка се откажала од професијата забен техничар за да вози цистерна со гас: „Буквално сум бомба на тркала“

Детали

понеделник, 11 септември 2023

„Честопати ми се случило некој од колегите да дојде до мојот камион и да ме праша каде е возачот“ – раскажува Србинката Андријана Кузмановиќ, која работи како професионален возач на камиони, а редовно вози цистерни со природен гас.

Србинката Андријана Кузмановиќ (28) е една од ретките жени на нашите балкански простори која ги руши предрасудите дека возењето товарни возила е само за мажи и е типична машка професија.

Таа завршила образование за забен техничар, но одлучила да се откаже од оваа професија и да работи како професионален возач на товарни возила, па денес превезува опасни материи, односно цистерни со природен гас и со опасен отпад.

Андријана неодамна даде интервју за српските медиуми, па изјави дека станува збор за мошне ризична професија, затоа што гасот што го превезува е под притисок.

„Станува збор за 250 килопаскали, што воопшто не е нешто со што треба да си играте или да се шегувате. Буквално сум бомба на тркала“ – изјави таа.

Андријана раскажа дека нејзиниот дедо воопшто не се согласувал со неа да почне да работи како возач, па дури и ѝ ги земал парите што ги заработила од продажбата на протетичките материјали кои таа сакала да ги намени за да уплати за возачка дозвола.

Но, на крај таа сепак успеала да го оствари својот сон, а вели дека мажите најчесто ја мразат затоа што успева да им докаже дека е подобра од нив во оваа „машка“ професија.

„Мислам дека секој од нас во одреден миг од животот може да помисли дека е способен за нешто во животот“ – вели таа.

Исто така раскажува како машките колеги реагираат кога ќе се сретнат на терен, па вели дека честопати ѝ се случило некој да дојде и да ја праша:

„Извинете, а каде е возачот на камионот?“

Инаку, Андријана редовно споделува свои фотографии на Инстаграм.

Погледнете дел од нив:

Б. С. Б. | Црнобело