Таткото на Карлеуша ја апсеше Цеца, Аркан ѝ се заканувал на Јелена – Зошто двете српски пејачки се во војна со години?

Вистинските проблеми за Цеца ќе следуваат во 2003-та година. Пет дена по убиството на српскиот премиер Зоран Ѓинѓиќ, јавноста во регионот беше запрепастена кога се дозна дека Цеца Ражнатовиќ е уапсена во нејзиниот дом и кога било пронајдено оружје за кое таа тврдела дека останало од Аркан.

Во моментот на апсењето во куќата на Цеца, бил и таткото на Јелена, кој во тоа време бил висок полициски службеник.

По излегувањето на слобода Цеца постојано мораше да се соочува со јавни осудувања и негативни коментари од Јелена, но се воздржуваше од коментари и речиси секогаш правдата ја бараше по судски пат.

Јелена, пак, тврдеше дека Цеца ѝ прави притисок преку медиумите и се труди да ѝ ја сруши кариерата.

Последниот конфликт меѓу двете пејачки настана во 2016-та година кога Јелена даде обемно интервју за српските медиуми во кое ја обвини Цеца за убиството на нејзиниот свршеник. Изјавата во која Јелена рече дека Цеца била одговорна за смртта на нејзиниот убиен свршеник ја прелеа чашата, па Ражнатовиќ одлучи да ја бара правдата по судски пат.

Цеца за медиумите накратко го коментираше интервјуто, рече дека тоа се „изјави на болна личност“ и ја тужеше за клевета.

Нивната средба во судот следната 2017-та година воопшто не помина славно. Додека судијата се обиде да ги помири, двете пејачки речиси дојдоа до физичка пресметка и меѓусебно си упатуваа навреди, по што рочиштето беше прекинато.

Откако во дел од медиумите се појавија информации дека тужбата на Цеца е одбиена и дека ќе мора да плати судски трошоци, се огласи адвокатот кој рече дека овие информации не се точни и дека Цеца сега го тужи весникот што ги објавил интервјуто.

Во 2022-ра година, пак, Јелена поднесе тужба затоа што Цеца јавно изјавила дека такви изјави може да даде само „психички нестабилна личност“ и смета дека со тоа ѝ била нанесена навреда и клевета.

Очигледно е дека и по 30 години медиумската војна меѓу двете пејачки не запира.

Б. С. Б. | Црнобело