Душко Тошиќ има нова девојка? Важи за најпристојната дама на српската музичка сцена, за разлика од Јелена Карлеуша
- Детали
- петок, 13 октомври 2023
„Сѐ што го спречува Душко Tошиќ да ја запроси новата девојка е тоа што Јелена Карлеуша не му дава развод“ – тврдат српските медиуми. Наводно поранешниот сопруг на Јелена е вљубен во 7 години помлада пејачка, која важи за една од најпристојните дами на естрадата.
Јелена Карлеуша и Душко Тошиќ во изминатиот период привлекуваат внимание заради нивниот развод, а особено и затоа што фудбалерот се појави на роденденот на нивните ќерки Атина и Ника и позираше со поранешната сопруга.
Но, ако може да им се верува на гласините објавени во дел од српските медиуми, поранешниот фудбалер нема намера да се помири со својата поранешна сопруга, туку веќе има нова љубов, која планира наскоро да ја запроси.
Според српски informer.rs, Душко Тошиќ (38) е во врска со 7 години помладата пејачка Катарина (Ина) Гардијан (31) и тие воопшто не ја кријат нивната љубов, а единствена пречка за нивната заедничка среќа е тоа што Јелена Карлеуша одбива да му даде развод.
„Катарина таа вечер пееше на една прослава на Ада, каде беше присутен и Душко. По некое време, кога поголемиот број гости си заминаа, тие двајца почнаа да разменуваат нежности пред присутните.
Нивната врска е сериозна, а сѐ што го спречува Tошиќ да ја запроси Катарина е тоа што Карлеуша не му дава развод. Тие двајца често патуваат заедно и се неразделни“ – пишува порталот повикувајќи се на изјава на очевидци.
Во јавноста се огласи и младата колешка на Јелена, Ина Гардијан, која ги отфрли тврдењата и рече дека таа и Душко не е се во врска.
Инаку, Катарина Гардијан се прослави со нејзиното учество во шоуто „Ѕвездите на Пинк“. Првата песна ја снимила во 2016-та година, а имала и дует со Милан Станковиќ.
Во 2018-та година учествуваше и на Охрид Фест, каде ја отпеа песната „Ако будем хтела“.
Освен што гради музичка кариера, Катарина судира на Музичка академија, на смерот педагогија.
За разлика од поранешната сопруга на Душко Тошиќ, Катарина важи за една од најатрактивните пејачки во Србија, но не привлекува внимание со провокативна облека, ниту приватно ниту на настапите, а сите се сложни дека во нејзините спотови таа изгледа заводливо, но тие спотови не се вулгарни, ниту непристојни.
Прочитајте и Родителите го пратиле во дом бидејќи немале пари, а денес е милионер – Факти за Душко Тошиќ, сопругот на Карлеуша
Уште неколку фотографии во продолжение:
Б. С. Б. | Црнобело
Би можело да ве интересира:
Препорачуваме
Најчитани неделава
